തിരക്കഥാകൃത്തും സംവിധായകനുമായ ആലപ്പി ഷെരീഫ് അന്തരിച്ചു.
കോട്ടയം: പ്രശസ്ത തിരക്കഥാകൃത്തും സംവിധായകനുമായ ആലപ്പി ഷെരീഫ് (74) അന്തരിച്ചു. കോട്ടയത്തെ സ്വകാര്യാശുപത്രി യിലായിരുന്നു അന്ത്യം. അവളുടെ രാവുകള്, ഏഴാം കടലിനക്കരെ, ഊഞ്ഞാല് തുടങ്ങി ഐ വി ശശി സംവിധാനം ചെയ്ത നിരവധി സൂപ്പര്ഹിറ്റ് ചിത്രങ്ങളുടെ തിരക്കഥാകൃത്താണ്. മുപ്പതിലേറെ ചിത്രങ്ങള്ക്ക് തിരക്കഥ എഴുതി. ആലപ്പുഴ കൊപ്രാക്കട തറവാട്ടില് ഹമീദ് ബാബയുടെയും റഹീമ ബീവിയുടെയും മകനായി 1940ലായിരുന്നു ജനനം. ചെറുകഥകള് എഴുതിക്കൊണ്ടായിരുന്നു തുടക്കം. മുക്കുമാലയായിരുന്നു പ്രസിദ്ധീകരിച്ച ആദ്യ കഥ.
