ബൈക്കപകടത്തില് പരിക്കേറ്റവരെ ആശുപത്രിയില് എത്തിക്കാതെ പോയ പൊലീസുകാര്ക്ക് സസ്പെന്ഷന്
![](https://koyilandydiary.com/wp-content/uploads/2023/11/47-11-1024x943.jpg)
കട്ടപ്പന: ബൈക്കപകടത്തില് പരിക്കേറ്റവരെ ആശുപത്രിയില് എത്തിക്കാതെ പോയ പൊലീസുകാര്ക്ക് സസ്പെന്ഷന്. കട്ടപ്പന പള്ളിക്കവലയില് വച്ച് ശനിയാഴ്ച രാത്രിയാണ് ദിശ തെറ്റിയെത്തിയ പിക്കപ്പ് വാന് ഇടിച്ച് കാഞ്ചിയാര് ചൂരക്കാട്ട് ജൂബിന് ബിജു(21), ഇരട്ടയാര് എരുമച്ചാടത്ത് അഖില് ആന്റണി(23) എന്നിവര്ക്ക് പരുക്കേറ്റത്.
![](https://koyilandydiary.com/wp-content/uploads/2022/09/thayyil-ad-wide-e1720783911127.jpg)
അപകടം നടന്നതിന് തൊട്ടുപിന്നാലെ നെടുങ്കണ്ടം പൊലീസ് സ്റ്റേഷനിലെ ജീപ്പ് അതുവഴി എത്തി. വാഹനം കൈകാണിച്ചു നിര്ത്തിയ നാട്ടുകാര് ഓടിക്കൂടി അപകടത്തില്പ്പെട്ടവരെ ജീപ്പിലേക്ക് കയറ്റാന് ശ്രമിച്ചു. എന്നാല് പൊലീസുകാര് ഇത് സമ്മതിക്കാതെ ഓട്ടോറിക്ഷയില് ആശുപത്രിയില് എത്തിക്കാന് നിര്ദ്ദേശിച്ച ശേഷം ജീപ്പോടിച്ചു പോയി.
![](https://koyilandydiary.com/wp-content/uploads/2022/09/IMG-20240611-WA0019.jpg)
സംഭവത്തില് പൊലീസുകാരായ ആസാദിനും അജീഷിനും സംഭവത്തില് വീഴ്ചയുണ്ടായതായി അന്വേഷണത്തില് കണ്ടെത്തി. തുടര്ന്നാണ് രണ്ടു പേരെയും ജില്ല പൊലീസ് മേധാവി സസ്പെന്ഡ് ചെയ്തത്.തുടര് അന്വേഷണം നടത്താനും കട്ടപ്പന ഡിവൈഎസ് പിയോട് നിര്ദ്ദേശിച്ചിട്ടുണ്ട്.ംസഭവം വാര്ത്തയായതിനെ തുടര്ന്ന് ഇടുക്കി ജില്ല പൊലീസ് മേധാവി അന്വേഷണം നടത്തി റിപ്പോര്ട്ട് സമര്പ്പിക്കാന് കട്ടപ്പന ഡിവൈഎസ്പിയോട് നിര്ദ്ദേശിക്കുകയായിരുന്നു.
![](https://koyilandydiary.com/wp-content/uploads/2022/09/SPECIALITY-AD-WIDE-1024x302-1.jpg)
![](https://koyilandydiary.com/wp-content/uploads/2022/09/IMG-20240613-WA0139.jpg)