ബാലുശ്ശേരിയിൽ എം.ഡി.എം.എ യുമായി യുവാവ് പിടിയിൽ
ബാലുശ്ശേരി: നിരോധിത മയക്കുമരുന്നായ എം.ഡി.എം.എ യുമായി യുവാവ് പിടിയിൽ. ബാലുശ്ശേരി അറപ്പീടിക സ്വദേശി അമർ ജിഹാദ് (26) ആണ് പിടിയിലായത്. മയക്കുമരുന്ന് സ്പെഷൽ ഡ്രൈവിൻ്റെ ഭാഗമായുള്ള പരിശോധനക്കിടെയാണ് കോക്കല്ലൂർ പെട്രോൾ പമ്പിന് സമീപത്തി വെച്ച് ബാലുശ്ശേരി പൊലീസ് ഇൻസ്പെക്ടർ എം. കെ. സുരേഷ് കുമാറും സംഘവും ചേർന്ന്പ്രതിയെ പിടികൂടിയത്.
0.70 ഗ്രാം എം. ഡി. എം. എ യും തൂക്കുന്നതിനുള്ള ഇലക്ട്രോണിക് മെഷീനും മരുന്ന് സൂക്ഷിച്ച മോട്ടോർ സൈക്കിളും ഉൾപ്പെടെ ഇയാളിൽ നിന്നും പിടിച്ചെടുത്തിട്ടുണ്ട്. ബാലുശ്ശേരിയിലെ പല സ്ഥലങ്ങളിലായി രാത്രി മയക്കുമരുന്ന് വിതരണം ചെയ്യുന്നയാളാണ് അമർ ജിഹാദെന്ന് പൊലീസ് പറഞ്ഞു.
