കൊല്ലത്ത് യുവതി ഭര്തൃവീട്ടില് തൂങ്ങിമരിച്ച നിലയില്
കൊല്ലം: 19കാരിയെ ഭര്തൃവീട്ടില് തൂങ്ങിമരിച്ച നിലയില് കണ്ടെത്തി. കൊല്ലം കുമ്മിള് വട്ടത്താമര മണ്ണൂര്വിളാകത്ത് വീട്ടില് ജന്നത്ത് ആണ് മരിച്ചത്. ഭര്ത്താവ് റാസിഫ് വിദേശത്താണ്. അഞ്ച് മാസം മുന്പായിരുന്നു ഇവരുടെ വിവാഹം.
ഇന്ന് പുലര്ച്ചെയോടെയാണ് ജന്നത്തിനെ ആത്മഹത്യ ചെയ്ത നിലയില് കണ്ടത്. കിടപ്പുമുറിയിലാണ് മൃതദേഹം കണ്ടെത്തിയത്. രാത്രി രണ്ട് മണിയോടെ ജന്നത്തിനെ ഫോണില് വിളിച്ചിട്ട് കിട്ടാതായതോടെ റാസിഫ് വീട്ടുകാരെ വിളിച്ച് വിവരമറിയിച്ചു. തുടര്ന്ന് വീട്ടുകാര് ജന്നത്തിനെ വിളിച്ചെങ്കിലും മുറിയില് നിന്ന് പ്രതികരണമുണ്ടായില്ല. മുറിയുടെ ജനല് ഇടിച്ചു തകര്ത്തപ്പോഴാണ് ജന്നത്തിനെ തൂങ്ങിമരിച്ച നിലയില് കണ്ടെത്തിയത്.