ഉയര്ന്ന താപനില മുന്നറിയിപ്പ്; സംസ്ഥാനത്ത് വിവിധ ജില്ലകളില് യെല്ലോ അലേര്ട്ട്
തിരുവനന്തപുരം: ഉയര്ന്ന താപനില മുന്നറിയിപ്പ്. സംസ്ഥാനത്ത് വിവിധ ജില്ലകളില് യെല്ലോ അലേര്ട്ട്. മാര്ച്ച് 5 മുതല് 7 വരെ കൊല്ലം, കോട്ടയം, തൃശൂര്, പാലക്കാട് എന്നീ ജില്ലകളില് ഉയര്ന്ന താപനില 38°C വരെയും, പത്തനംതിട്ട, ആലപ്പുഴ, കണ്ണൂര് എന്നീ ജില്ലകളില് ഉയര്ന്ന താപനില 37°C വരെയും, കാസര്ഗോഡ് ജില്ലയില് ഉയര്ന്ന താപനില 36°C വരെയും (സാധാരണയെക്കാള് 2 – 4 °C കൂടുതല്) ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ്. ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ 2024 മാര്ച്ച് 5 മുതല് 7 വരെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.