സ്നേഹ വീടിൻ്റെ ധന ശേഖരണത്തിനായി വളണ്ടിയര്മാര് രംഗത്ത്
ഉള്ള്യേരി: ഉരുള്പൊട്ടല് ദുരന്തമുണ്ടായ കരിഞ്ചോല മലയില് ജില്ല എന്.എസ്.എസ് സെല് നിര്മിച്ചുനല്കുന്ന മൂന്നാമത് സ്നേഹവീടിൻ്റെ ധന ശേഖരണത്തിനായി വളണ്ടിയര്മാര് രംഗത്ത്. പ്രളയസമയത്ത് വീട് നഷ്ടപ്പെട്ട വേണാടി രാജിതക്കു വേണ്ടിയാണ് ഏഴുലക്ഷം രൂപ ചെലവില് വീട് നിര്മിക്കുന്നത്.
ഈ തുക കണ്ടെത്തുന്നതിന് വളന്റിയര്മാര് വീടുകള് സന്ദര്ശിച്ച് പാഴ്വസ്തുക്കള് ശേഖരിച്ച് വില്പന നടത്തി മാതൃകയാവുകയാണ്. നേരേത്ത ചായക്കട നടത്തിയും മാസ്ക്കുകളും സാനിറ്റൈസറും നിര്മിച്ച് വില്പന നടത്തിയും വളന്റിയര്മാര് വീടിന് വേണ്ട തുക സമാഹരിച്ചിരുന്നു. മേയ് അവസാനം വീടിെന്റ നിര്മാണം പൂര്ത്തിയാക്കും.