നിര്‍ധനരായ കുടുംബങ്ങള്‍ക്ക് മാതാപിതാക്കളുടെ പേരില്‍ സ്ഥലം ദാനം നല്‍കി ചോലയില്‍ ഉസ്മാന്‍
ചാവക്കാട്: നിര്‍ധനരായ പത്ത് കുടുംബങ്ങള്‍ക്ക് വീട് വെക്കാന്‍ മാതാപിതാക്കളുടെ പേരില്‍ സ്ഥലം ദാനം നല്‍കി. തങ്ങള്‍പ്പടി ചോലയില്‍ ഉസ്മാനാണ് വടക്കേക്കാട് എസ്.എച്ച്‌.ഒ എം. സുരേന്ദ്രൻ്റെ സാന്നിധ്യത്തില്‍ ജീവകാരുണ്യ പ്രവര്‍ത്തകന്‍ നാസര്‍ മാനുവിന് സ്ഥലത്തി‍െന്‍റ രേഖ കൈമാറിയത്.
ചാവക്കാട് ബ്ലോക്ക് പഞ്ചായത്ത് വൈസ് പ്രസിഡന്‍റ് മന്ദലാംകുന്ന് മുഹമ്മദുണ്ണി പഞ്ചായത്ത് അംഗങ്ങളായ കെ.എച്ച്‌. ആബിദ്, പി.എസ്. അലി, സജിത ജയന്‍, മുസ്ലിം ലീഗ് പഞ്ചായത്ത് പ്രസിഡന്‍റ് എ.കെ. മൊയ്തുണ്ണി, അണ്ടത്തോട് മഹല്ല് സെക്രട്ടറി സി.ബി. റഷീദ് മൗലവി, തങ്ങള്‍പ്പടി ഇലാഹിയ മസ്ജിദ് സെക്രട്ടറി സക്കീര്‍ പൂളക്കല്‍, ദമ്മാം കെ.എം.സി.സി തൃശൂര്‍ ജില്ല പ്രസിഡന്‍റ് കെ.എച്ച്‌. റാഫി, പ്രമോദ് ചെറായി, നൗഷാദ് തെക്കൂട്ട് എന്നിവര്‍ സംബന്ധിച്ചു.
