ഫുട്ബോൾ കോച്ച് മൂടാടി നെടിയാണ്ടി മീത്തൽ എൻ. എം. രാജേഷ് (36) നിര്യാതനായി
കൊയിലാണ്ടി: പ്രമുഖ ഫുട്ബോൾ കോച്ച് മൂടാടി സ്വദേശിയായ നെടിയാണ്ടി മീത്തൽ എൻ. എം. രാജേഷ് (36) നിര്യാതനായി. പരേതരായ ഗോപാലൻ, ലീല ദമ്പതികളുടെ മകനാണ്. ആസ്പയർ അക്കാദമി പയ്യോളിയുടെ മാനേജരും കോച്ചുമായിരുന്നു. കേരള ബ്ലാസ്‌റേര്‍സ് ഫുട്ബോൾ സ്കൂൾ കോഴിക്കോട് സെന്റർ കോച്ച്, ഫുട്ബോൾ കോൺഫെഡറേഷന്റെ ഡി. ലൈസൻസ് കോഴ്സിൽ പങ്കെടുത്തിട്ടുണ്ട്.
ആൾ ഇന്ത്യാ ഫുട്ബോൾ ഫെഡറേഷൻ ഗ്രാസ്റൂട്ട് ലീഡേഴ്സ് കോഴ്സ് പാസ്സായി, ഐ എസ് എൽ, ബ്രിട്ടീഷ് കൗൺസിൽ, പ്രീമിയർ സ്കിൽ ഓൾ ഇന്ത്യ ഫെഡറേഷൻ എന്നിവർ സംയുക്തമായി ഐ എസ് എൽ ഗ്രാസ്റൂട്ട് കോച്ചുമാർക്കായി നടത്തിയ പ്രീമിയർസ്കിൽ കോച്ചിംഗ് കോഴ്സ് ഫേസ് 1 കേരള ബ്ലാസ് റ്റേഴ്സിനെ പ്രതിനിധീകരിച്ച കോഴിക്കോട്ടെ ഏകകോച്ച്, അണ്ടർ 16 ഐ ലീഗ് ടീമിൽ ടെറി ഫിലാന്റെ സപ്പോർട്ടിംഗ് സ്റ്റാഫ് ആയിരുന്നു.
സഹോദരങ്ങൾ: ഉമേഷ്, മിനി, ശ്രീജിത്ത് (മണിയൂർ).
