മോഡിയെ വീണ്ടും ന്യായീകരിച്ച ശശി തരൂര്‍ കോണ്‍ഗ്രസിന് തലവേദനയാകുമ്ബോള്‍; മോഡിക്ക്‌ ഗുഡ്‌ സര്‍ട്ടിഫിക്കറ്റ്‌ കൊടുക്കലല്ല കോണ്‍ഗ്രസിന്റെ പണിയെന്ന്‌ വേണുഗോപാല്‍
മോഡിയെ വീണ്ടും ന്യായീകരിച്ച ശശി തരൂര്‍ എംപിയുടെ നിലപാട്‌ കേരളത്തിലെ കോണ്‍ഗ്രസിനും തലവേദനയാകുന്നു. മുതിര്‍ന്ന കോണ്‍ഗ്രസ്‌ നേതാക്കളായ ജയറാം രമേശ്‌, മനുഅഭിഷേക്‌ സിങ്‌വി എന്നിവരുടെ മോഡി സ്‌തുതിക്ക്‌ പിന്നാലെയാണ്‌ ശശി തരൂരും വീണ്ടും രംഗത്തുവന്നത്‌.
മോഡിയെ പ്രശംസിച്ചതില്‍ മാപ്പുപറയേണ്ട കാര്യമില്ലെന്നാണ്‌ തരൂരിന്റെ നിലപാട്‌. ”ആളുകള്‍ നല്ല കാര്യങ്ങള്‍ ചെയ്‌താല്‍ പ്രശംസിക്കണം. എപ്പോഴും കുറ്റം പറഞ്ഞുകൊണ്ടിരുന്നാല്‍ വിശ്വസിക്കാന്‍ പോകുന്നില്ല. പ്രധാനമന്ത്രിയെ എപ്പോഴും ദുഷ്ടനായി ചിത്രീകരിക്കുന്നത്‌ ശരിയല്ല” തരൂര്‍ തിരുവനന്തപുരത്ത്‌ ആവര്‍ത്തിച്ചു. ജയറാം രമേശും മനുഅഭിഷേക്‌ സിങ്‌വിയും സമാനമായ അഭിപ്രായപ്രകടനമാണ്‌ കഴിഞ്ഞദിവസം നടത്തിയത്‌.
എന്നാല്‍, മോഡിക്ക്‌ ഗുഡ്‌ സര്‍ട്ടിഫിക്കറ്റ്‌ കൊടുക്കലല്ല കോണ്‍ഗ്രസിന്റെ പണിയെന്ന്‌ എഐസിസി ജനറല്‍ സെക്രട്ടറി കെ സി വേണുഗോപാല്‍ പ്രതികരിച്ചു. മോഡി സ്‌തുതി അവരുടെ വ്യക്തിപരമായ അഭിപ്രായമാണ്‌. 100ല്‍ 98ഉം തെറ്റുചെയ്‌തിട്ട്‌ ഒരു നല്ല കാര്യം ചെയ്‌താല്‍ എങ്ങനെ പ്രശംസിക്കുമെന്ന്‌ അദ്ദേഹം ചോദിച്ചു.
കൊയിലാണ്ടി നഗരസഭ കൃഷിഭവൻ കുറ്റി കുരുമുളക് വിതരണം ഹരിത പച്ചക്കറി വ്യാപനം
കൊയിലാണ്ടി കൂട്ടം വിദ്യാഭ്യാസ സഹായം വിതരണം ചെയ്തു
