വിവാഹവാഗ്ദാനം നല്‍കി പീഡിപ്പിച്ചുവെന്ന് പരാതി; മാധ്യമപ്രവര്‍ത്തകന്‍ അറസ്റ്റില്‍
തിരുവനന്തപുരം: വിവാഹവാഗ്ദാനം നല്‍കി പീഡിപ്പിച്ചുവെന്ന സഹപ്രവര്‍ത്തകയുടെ പരാതിയില്‍ മാധ്യമ പ്രവര്‍ത്തകന്‍ അറസ്റ്റില്‍ . മാതൃഭൂമി ന്യൂസ് ചാനലിലെ സീനിയര്‍ ന്യൂസ് എഡിറ്റര്‍ അമല്‍ വിഷ്ണുദാസിനെയാണ് അറസ്റ്റ് ചെയ്തത്.
തിരുവനന്തപുരം സിറ്റി പൊലീസ് കമ്മിഷണര്‍ക്ക് യുവതി നല്‍കിയ പരാതിയിലാണ് പേട്ട പൊലീസിന്റെ നടപടി. 2015 ഡിസംബറിലാണ് കേസിന് അസ്പദമായ സംഭവം. അമല്‍ രോഗ ബാധിതനായി ആശുപത്രിയില്‍ ചികില്‍സയിലായിരുന്നപ്പോള്‍ സഹപ്രവര്‍ത്തക എന്ന നിലയില്‍ സന്ദര്‍ശിക്കാറുണ്ടായിരുന്നു. അപ്പോഴാണ് പ്രണയാഭ്യര്‍ത്ഥന നടത്തിയതും വിവാഹവാഗ്ദാനം നല്‍കിയതും.
എന്നാല്‍ കുറച്ചു നാളായി വിവാഹവാഗ്ദാനത്തില്‍നിന്ന് പിന്‍മാറിയതായും വഞ്ചിച്ചതായും പരാതിയില്‍ പറയുന്നു.കൂടാതെ പരാതിക്കാരിയില്‍നിന്നും സ്വര്‍ണവും പണവും കൈപറ്റിയതായും പറയുന്നു. വിവരം പുറത്ത്പറഞ്ഞാല്‍ ജോലിതെറിപ്പിക്കുമെന്നു ഭീഷണിപെടുത്തിയതായും പരാതിയിലുണ്ട് .
