പശുവിന്റെ വില പോലും മനുഷ്യന് കല്‍പ്പിക്കുന്നില്ലെന്ന് ഡല്‍ഹി കോടതി ജഡ്ജ്
ന്യൂഡല്‍ഹി: പശുവിന്റെ വില പോലും മനുഷ്യന് കല്‍പ്പിക്കുന്നില്ലെന്ന് ഡല്‍ഹി കോടതി ജഡ്ജ്. പശുവിനെ കൊന്നാല്‍ വിവിധ സംസ്ഥാനങ്ങളില്‍ അഞ്ചു വര്‍ഷം, ഏഴുവര്‍ഷം, 14 വര്‍ഷം എന്നിങ്ങനെയാണ് തടവെന്നും എന്നാല്‍ മനുഷ്യനെ കൊന്നവര്‍ക്ക് രണ്ടു വര്‍ഷം മാത്രമേ ശിക്ഷയുള്ളൂവെന്നും ഡല്‍ഹി അഡീഷണല്‍ സെഷന്‍ ജഡ്ജി സഞ്ജീവ്കുമാര്‍ പറഞ്ഞു. ഈ സ്ഥിതി മാറുന്നതിനും നിയമ ഭേദഗതി വരുത്തുന്നതിനും കേസ് പ്രധാനമന്ത്രിയുടെ ശ്രദ്ധയില്‍ പെടുത്തണമെന്നും അതിനായി വിധിയുടെ പകര്‍പ്പ് പ്രധാനമന്ത്രിക്ക് അയക്കുമെന്നും കോടതി പറഞ്ഞു.
ബി.എം.ഡബ്ല്യു കാര്‍ അപകടത്തില്‍ മോേട്ടാര്‍ സൈക്കിള്‍ യാത്രികനെ െകാലപ്പെടുത്തിയ കേസില്‍ ഹരിയാനയിലെ വ്യവസായിയുടെ മകന് രണ്ടു വര്‍ഷം തടവ് ശിക്ഷ വിധിച്ച ശേഷമാണ് ജഡ്ജിയുടെ പരാമര്‍ശം. 30കാരനായ ഉത്സവ് ഭാസിനാണ് ശിക്ഷ ലഭിച്ചത്. അപകടകരമായ ഡ്രൈവിങ്ങ്, അശ്രദ്ധ മൂലം അപകടം വരുത്തി, മനുഷ്യ ജീവന്‍ അപായപ്പെടുത്തി തുടങ്ങിയ കുറ്റങ്ങളാണ് ഉത്സവിനെതിരെ ചുമത്തിയത്.
അപകടത്തില്‍ മരിച്ചയാളുടെ കുടംബത്തിന് 10 ലക്ഷം രൂപ നഷ്ട പരിഹാരവും പരിക്കേറ്റയാള്‍ക്ക് രണ്ടു ലക്ഷം രൂപ നഷ്ടപരിഹാരവും നല്‍കാന്‍ വിധിച്ചു.
2008 സെപ്തംബര്‍ 11നാണ്ഉത്സവ് അപകടം വരുത്തിയത്. അപകടത്തില്‍ മോേട്ടാര്‍ സൈക്കിള്‍ യാത്രക്കാരാനയ അനൂജ് ചൗഹാന്‍ മരിക്കുകയും സുഹൃത്ത് മൃഗങ്ക് ശ്രീവാസ്തവക്ക് പരിക്കേല്‍ക്കുകയും ചെയ്തിരുന്നു. 2015 ല്‍ മാത്രം 4.64 ലക്ഷം റോഡ് അപകടങ്ങളാണ് ഇന്ത്യയില്‍ റിപ്പോര്‍ട്ട് ചെയ്തതെന്നും കോടതി നിരീക്ഷിച്ചു
