എലത്തൂരിൽ പുലിയിറങ്ങിയതായി അഭ്യൂഹം: നാട്ടുകാർ പരിഭ്രാന്തിയിൽ
കൊയിലാണ്ടി: എലത്തൂരിൽ പുലിയിറങ്ങിയതായി അഭ്യൂഹം. വിവരം കിട്ടിയതിനെ തുടർന്ന് വൻ പോലീസ് സംഘം സ്ഥലത്ത് പരിശോധന നടത്തുന്നു. വെള്ളിയാഴ്ച രാത്രി 9 മണിയോടെ എലത്തൂർ പെട്രൊൾ പമ്പിന് വടക്ക് ഭാഗം ദർശന റോഡി ലാ ണ് പുലിയെ കണ്ടതെന്ന്‌ പറയുന്നത്. നാട്ടുകാരായ മാട്ടുവയൽ ബൈജു, ഷംസു എന്നിവരാണ് പുലിയെ കണ്ടതായി പറയുന്നത്.
ഷംസു കൈനറ്റിക് ഹോണ്ടയിൽ വരുമ്പോഴാണ്പുലിയെ കണ്ടത് തുടർന്ന് വണ്ടി പെട്ടെന്ന് തിരിച്ച് രക്ഷപ്പെടുകയായിരുന്നു. ബൈജു വീട്ടിൽ നിന്നും ഇറങ്ങിയപ്പോഴാണ് പുലിയെ കണ്ടതായി പറയുന്നത് ഉടൻ തന്നെ വീട്ടിലെക്ക് ഓടി കയറി രക്ഷപ്പെടുകയായിരുന്നു. തുടർന്ന് പോലീസിനെ വിവരമറിയിക്കുകയും പോലീസെത്തി പരിശോധന നടത്തുകയുമായിരുന്നു. പുലിയെ നേരിടാൻ ഫയർഫോഴ്‌സുംസ്ഥലത്ത് സജ്ജമായിരിക്കുയാണ്.
പോലീസ് വിവരമറിയിച്ചതിനെ തുടർന്ന് താമരശ്ശേരിയിൽ നിന്ന് ഫോറസ്റ്റ് ഉദ്യോഗസ്ഥരും ഇവിടെ നിലയുറപ്പിച്ചിട്ടുണ്ട്.
സംയുക്ത പരിശോധന അൽപ്പ സമയത്തിനകം ആരംഭിക്കും. സംഭവത്തെ തുടർന്ന് പ്രദേശത്താകെ നാട്ടുകാർ തടിച്ചുകൂടിയിരിക്കുകയാണ്.
