കർഷക ദിനത്തിൽ വനിതാ പൂ കൃഷി സംഘത്തിന് ആദരമർപ്പിച്ചു
കീഴരിയൂർ: കർഷകദിനത്തിൽ വനിതാ പൂ കൃഷി സംഘത്തിന് ആദരമർപ്പിച്ച് കൊണ്ട് വള്ളത്തോൾ ഗ്രന്ഥാലയം സംഘടിപ്പിച്ച ചടങ്ങ് ശ്രദ്ധേയമായി. കീഴരിയൂർ ഗ്രാമത്തിൽ ഇത്തവണ ചെണ്ടുമല്ലി പൂ കൃഷിയുമായി രംഗത്ത് വന്ന ഇരുപതോളം കൃഷിഗ്രൂപ്പുകളിൽ നിന്നും മികച്ച ഗ്രൂപ്പായി തെരഞ്ഞെടുക്കപ്പെട്ട മണ്ണാടി ഭാഗത്തുള്ള ഇതൾ സംഘാംഗങ്ങളെ വാർഡ് മെമ്പർ കെ. എം. രാധാകൃഷ്ണൻ ഉപഹാരങ്ങൾ നൽകി ആദരിച്ചു. ഗ്രന്ഥശാല പ്രസിഡണ്ട് വിനോദ്ആതിര അദ്ധ്യക്ഷനായി.
.
.
സി. ഡി. എസ് ചെയർപേഴ്സൻ ആതിര ചാലിൽ, എം. സുരേഷ്, വി.പി. സദാനന്ദൻ, സഫീറ വി.കെ, ശോഭ സുരേഷ് എന്നിവർ അനുമോദനമേകി. സംഘാംങ്ങളായ ഷെർലി ടി. പി , ഷിജി വി.പി, ഷീന. വി എന്നിവർ കാർഷികാനുഭവങ്ങൾ വിവരിച്ചു. ഗ്രന്ഥശാല സെക്രട്ടറി പി. ശ്രീജിത്ത് സ്വാഗതവും വിജിതഹിൽവ്യൂ നന്ദിയും പറഞ്ഞു.
