അഭിഭാഷക വൃത്തിയിൽ 50 വർഷം പൂർത്തീകരിച്ച അഡ്വ. എൻ ചന്ദ്രശേഖരന് ആദരവ് നൽകി
കൊയിലാണ്ടി: കൊയിലാണ്ടിയിൽ അഭിഭാഷക ജോലിയില് 50 വർഷം പൂർത്തീകരിച്ച അഡ്വ. എൻ ചന്ദ്രശേഖരന് ഒയിസ്ക ഇന്റർനാഷണൽ കൊയിലാണ്ടി ചാപ്റ്റർ ആദരവ് നൽകി. ചടങ്ങില് കൊയിലാണ്ടി മുനിസിപ്പൽ ചെയർമാൻ യുകെ ചന്ദ്രന് സ്വീകരണം നൽകി. സൗത്ത് ഇന്ത്യ സെക്രട്ടറി ജനറൽ അരവിന്ദ് ബാബു മുഖ്യാതിഥിയായി. കൊയിലാണ്ടി പ്രസിഡന്റ് അഡ്വ. വി. ടി. അബ്ദുറഹ്മാൻ അധ്യക്ഷത വഹിച്ചു.
.
.
നോർത്ത് കേരള പ്രസിഡണ്ട് പ്രൊഫസർ ഫിലിപ്. കെ. ആന്റണി, ഒയിസ്ക കോഴിക്കോട് ജില്ലാ പ്രസിഡണ്ട് ലേഖ കോറോത്ത് എന്നിവർ ചടങ്ങിൽ സംബന്ധിച്ചു. ടോപ് ടീൻ പരീക്ഷയിൽ മികച്ച വിജയം നേടിയ നിയോണ, സായം സാഗർ എന്നീ കുട്ടികൾക്ക് ഉപഹാരം നൽകി. പ്രമുഖ പരിസ്ഥിതി പ്രവർത്തകനായ പ്രൊ. ഡോക്ടർ മാധവ് ഗാഡ്ഗിലിന്റെ ദേഹവിയോഗത്തിൽ അനുശോചനം രേഖപ്പെടുത്തി. സെക്രട്ടറി ആർ സുരേഷ് ബാബു സ്വാഗതവും ട്രഷറർ കെ സുരേഷ് ബാബു നന്ദിയും പ്രകാശിപ്പിച്ചു.
