കൊല്ലം കുന്ന്യേറ മലയിലെ ഭീഷണി നിലനിൽക്കുന്ന സ്ഥലം നാഷണൽ ഹൈവേ അതോറിറ്റി ഏറെറടുക്കണമെന്ന് ആവശ്യപ്പെട്ട് സിപിഐ കൊയിലാണ്ടി ലോക്കൽ കമ്മറ്റി എൻ.എച്ച്. എ. ഐ. ഓഫീസിലേക്ക് മാർച്ച് നടത്തി
കൊയിലാണ്ടി: കൊല്ലം കുന്ന്യേറ മലയിൽ ബൈപ്പാസ് നിർമ്മാണത്തെ തുടർന്ന് മണ്ണിടിച്ചിൽ ഭീഷണി നിലനിൽക്കുന്ന റോഡിന്റെ ഇരുവശത്തേയും സ്ഥലം നാഷണൽ ഹൈവേ അതോറിറ്റി ഏറെറടുക്കണമെന്നും, ഇവിടെ താമസിക്കുന്ന ജനങ്ങളുടെ ആശങ്ക പരിഹരിക്കണമെന്നും ദേശീയ പാത നിർമ്മാണവുമായി ബന്ധപ്പെട്ട് ജനങ്ങൾ അനുഭവിക്കുന്ന ദുരിതങ്ങൾക്ക് അടിയന്തിര പരിഹാരം കാണണമെന്നും ആവശ്യപ്പെട്ടുകൊണ്ട് സിപിഐ കൊയിലാണ്ടി ലോക്കൽ കമ്മറ്റിയുടെ നേതൃത്വത്തിൽ കോഴിക്കോടുള്ള എൻ.എച്ച്. എ. ഐ. ഓഫീസിലേക്ക് മാർച്ചും, ധർണ്ണയും നടത്തി.
സി.പി. ഐ ജില്ലാ സിക്രട്ടറി കെ.കെ. ബാലൻ മാസ്റ്റർ ഉദ്ഘാടനം ചെയ്തു. ഇ.കെ. അജിത്ത് അധ്യക്ഷത വഹിച്ചു. എസ്. സുനിൽ മോഹൻ കെ.എസ്. രമേഷ് ചന്ദ്ര, കെ. ശശിധരൻ, കെ. ചിന്നൻ, പി.വി. രാജൻ എന്നിവർ പ്രസംഗിച്ചു. ബാബു പഞ്ഞാട്ട്, എൻ. കെ. വിജയഭാരതി, എ .ടി. സദാനന്ദൻ, ടി. ബാലകൃഷ്ണൻ, ശശി കോമത്ത് എന്നിവർ നേതൃത്വം നൽകി.
