കൊയിലാണ്ടിയിൽ ‘നവകേരളം ഒരു ജനതയുടെ മുന്നേറ്റം’ സെമിനാർ സംഘടിപ്പിച്ചു
കോഴിക്കോട്: എസ് എഫ് ഐ 18-ാമത് അഖിലേന്ത്യാ സമ്മേളനത്തോടനുബന്ധിച്ച് കൊയിലാണ്ടിയിൽ ‘നവകേരളം ഒരു ജനതയുടെ മുന്നേറ്റം’ സെമിനാർ സംഘടിപ്പിച്ചു. കൊയിലാണ്ടി ഇ എം എസ് സ്മാരക ടൗൺ ഹാളിൽ സംഘടിപ്പിച്ച സെമിനാർ എസ് എഫ് ഐ മുന്‍ സംസ്ഥാന സെക്രട്ടറി ടി വി രാജേഷ് ഉദ്ഘാടനം ചെയ്തു. സ്വാഗതസംഘം ചെയർമാൻ അഡ്വ. കെ സത്യൻ ചടങ്ങിൽ അധ്യക്ഷത വഹിച്ചു.
എസ് എഫ് ഐ കേന്ദ്ര എക്‌സിക്യൂട്ടീവ് കമ്മിറ്റി അംഗം ഹസ്സൻ മുബാറക് ഡോ. അബ്ദുൽ നാസർ അസോസിയേറ്റ് പ്രൊഫസ്സർ മലയാളം ഡിപ്പാർട്മെന്റ് എസ് എസ് യു എസ് കാലടി തുടങ്ങിയവർ കാര്യങ്ങൾ വിശദീകരിച്ചു. സി പി ഐ എം ജില്ലാ കമ്മിറ്റി അംഗം കെ കെ മുഹമ്മദ്. സി പി ഐ എം ഏരിയ സെക്രട്ടറി ടി കെ ചന്ദ്രൻ മുൻ എം എൽ എ മാരായ പി വിശ്വൻ, കെ ദാസൻ, എസ് എഫ് ഐ സംസ്ഥാന കമ്മിറ്റി അംഗം ഫർഹാൻ ഫൈസൽ, എസ് എഫ് ഐ ഏരിയ ജോയിൻ സെക്രട്ടറി ഹൃദ്യ തുടങ്ങിയവർ സന്നിഹിതരായിരുന്നു. എസ് എഫ് ഐ ജില്ലാ കമ്മിറ്റി അംഗം അഭിനവ്‌ ബി ആർ സ്വാഗതവും എസ് എഫ് ഐ ജില്ലാ കമ്മിറ്റി അംഗം ടി പി ദേവനന്ദ നന്ദിയും പറഞ്ഞു.
