ഒഎൻവി സാഹിത്യ പുരസ്കാരം പ്രഭാവർമ്മയ്ക്ക്
തിരുവനന്തപുരം: 2025 ലെ ഒഎൻവി സാഹിത്യ പുരസ്കാരം കവി പ്രഭാവർമ്മയ്ക്ക്. ഒഎൻവി കൾച്ചറൽ അക്കാദമി നൽകുന്ന സാഹിത്യപുരസ്കാരം മൂന്നു ലക്ഷം രൂപയും ശിൽപ്പവും പ്രശസ്തി പത്രവും ഉൾപ്പെടുന്നതാണ്. ഡോ. എം ലീലാവതി, ഡോ. ജോർജ് ഓണക്കൂർ, ആലങ്കോട് ലീലാകൃഷ്ണൻ എന്നിവർ ഉൾപ്പെട്ട ജൂറി ഏകകണ്ഠമായാണ് പുരസ്കാര ജേതാവിനെ നിശ്ചയിച്ചത്.
ഇന്ത്യയുടെ പരമോന്നത സാഹിത്യ ബഹുമതികളിലൊന്നായ സരസ്വതി പുരസ്കാരം ലഭിച്ചതിലൂടെ മലയാള സാഹിത്യത്തെ വീണ്ടും ദേശീയ തലത്തിൽ ശ്രദ്ധേയനാക്കിയ പ്രഭാവർമയുടെ സാഹിത്യരംഗത്തെ സംഭാവനകൾ കണക്കിലെടുത്താണ് പുരസ്കാരം നൽകുന്നതെന്ന് ജൂറി വിലയിരുത്തി. ഒഎൻവി ജന്മവാർഷിക ദിനമായ മെയ് 27ന് തിരുവനന്തപുരത്ത് ടാഗോർ തിയേറ്ററിൽ വെച്ച് നടക്കുന്ന സാംസ്കാരിക സായാഹ്നത്തിൽ പുരസ്കാരം സമർപ്പിക്കും.
