വെങ്ങളം ബൈപ്പാസില്‍ ലോറി ഡിവൈഡറില്‍ ഇടിച്ച് ഓട്ടോയ്ക്ക് മുകളില്‍ മറിഞ്ഞ് അപകടം: രണ്ടുപേര്‍ക്ക് പരിക്ക്
കൊയിലാണ്ടി: വെങ്ങളം ബൈപ്പാസില്‍ ലോറി ഡിവൈഡറില്‍ ഇടിച്ച് ഓട്ടോയ്ക്ക് മുകളില്‍ മറിഞ്ഞ് അപകടം: രണ്ടുപേര്‍ക്ക് പരിക്ക്. പരിക്കേറ്റ ഇരു വാഹനങ്ങളിലെയും ഡ്രൈവര്‍മാരെ കോഴിക്കോട് മെഡിക്കല്‍ കോളജിലേക്ക് മാറ്റി. ഇന്ന് പുലര്‍ച്ചെ 3 മണിയോടുകൂടിയായിരുന്നു അപകടം. വെങ്ങളം ബൈപ്പാസിൽ കൊയിലാണ്ടിക്ക് വരികയായിരുന്ന ലോഡ് കയറ്റിയ മിനി ലോറി പുതിയ ദേശീയ പാതയിൽ നിന്നും സർവീസ് റോഡിലേക്ക് കയറുമ്പോൾ ഡിവൈഡർ ഇടിച്ചു ഓട്ടോയ്ക്ക് മുകളിൽ മറിയുകയായിരുന്നെന്നാണ് അറിയുന്നത്. വീഴ്ചയുടെ ആഘാതത്തില്‍ മിനി ലോറി പാടെ തകര്‍ന്ന നിലയിലാണുള്ളത്.
.
.
വിവരം കിട്ടിയതിന് തുടർന്ന് കൊയിലാണ്ടിയിൽ നിന്നും എത്തിയ അഗ്നിരക്ഷാ സേനയും പോലീസും ചേർന്ന് ക്രെയിനിന്റെ സഹായത്തോടുകൂടി അപകടത്തിൽപ്പെട്ട വാഹനങ്ങൾ റോഡരിലിലേക്ക് മാറ്റി. രണ്ടുമണിക്കൂറോളം കൊയിലാണ്ടി ഭാഗത്തേക്കുള്ള ഗതാഗതം തടസ്സപ്പെട്ടു.
ഗ്രേഡ് അസിസ്റ്റന്റ് സ്റ്റേഷൻ ഓഫീസർ മജീദ് എമ്മിന്റെ നേതൃത്വത്തിൽ FRO മാരായ രതീഷ് കെ എൻ, നിധിപ്രസാദ് ഇ എം, ലിനീഷ് എം, അമൽ വിഎസ്, നിതിൻ രാജ് ഇ കെ, ഇന്ദ്രജിത്ത് ഐ, ഹോംഗാർഡുമാരായ രാജേഷ് കെ പി, രാംദാസ്, ഷൈജു, എന്നിവർ രക്ഷാപ്രവർത്തനത്തിൽ ഏർപ്പെട്ടു.
