കൊയിലാണ്ടി നഗരസഭയിലെ സ്കൂളുകൾക്ക് അടുക്കള പാത്രങ്ങൾ വിതരണം ചെയ്തു
കൊയിലാണ്ടി: നഗരസഭയിലെ സ്കൂളുകൾക്ക് അടുക്കള പാത്രങ്ങൾ വിതരണം ചെയ്തു. നഗരസഭയിലുൾപ്പെട്ട 23 സ്കൂളുകൾക്കാണ് അടുക്കള പാത്രം വിതരണം ചെയ്തത്. ടൗൺ ഹാളിൽ വെച്ച് നടന്ന പരിപാടി നഗരസഭ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു. നഗരസഭാ ക്ഷേമ കാര്യ സ്റ്റാൻ്റിങ് കമ്മറ്റി ചെയർമാൻ കെ. ഷിജു അധ്യക്ഷത വഹിച്ചു.
സ്റ്റാൻ്റിങ് കമ്മറ്റി ചെയർമാൻമാരായ കെ.എ ഇന്ദിര ടീച്ചർ, ഇ, കെ അജിത് മാസ്റ്റർ, പ്രജില സി, കൗൺസിലർമാരായ വത്സരാജ് കേളോത്ത്, എ അസീസ് മാസ്റ്റർ, ഭവിത സി എന്നിവർ സംസാരിച്ചു. നിർവ്വഹണ ഉദ്യോഗസ്ഥ കെ ലൈജു പദ്ധതി വിശദീകരണം നടത്തി. വിദ്യാഭ്യാസ സ്റ്റാൻ്റിങ് കമ്മറ്റി ചെയർപേഴ്സൺ നിജില പറവക്കൊടി സ്വാഗതവും കൗൺസിലർ രമേശൻ വലിയാട്ടിൽ നന്ദിയും പറഞ്ഞു.
