ഫുട്ബോൾ പരിശീലനം സമാപിച്ചു
കൊയിലാണ്ടി നഗരസഭ കായിക പരിശീലനം പദ്ധതിയുടെ ഭാഗമായി നടത്തിയ ഫുട്ബോൾ പരിശീലനം സമാപിച്ചു. നഗരസഭാ ചെയർ പേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു. നഗരസഭ വൈസ് ചെയർമാൻ അഡ്വ: കെ. സത്യൻ അധ്യക്ഷത വഹിച്ചു.
വികസന സ്റ്റാൻ്റിങ് കമ്മിറ്റി ചെയർ പേഴ്സൺ കെ.എ ഇന്ദിര, വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ നിജില പറവക്കൊടി, കൗൺസിലർമാരായ വത്സരാജ് കേളോത്ത്, രമേശൻ വലിയാട്ടിൽ, എ അസീസ്, ഭവിത സി എന്നിവർ സംസാരിച്ചു. മുഴുവൻ കായിക താരങ്ങൾക്കും ജഴ്സികളും വിതരണം ചെയ്തു. ഫുട്ബോൾ പരിശീലകരായ ഋഷി ദാസ് കല്ലാട്ട്, എൻ.കെ. ഷാജി എന്നിവർക്ക് ചെയർപേഴ്സൺ ഉപഹാരങ്ങൾ വിതരണം ചെയ്തു.
