സംസ്ഥാനത്ത് സ്വർണ വില കുറഞ്ഞു

സംസ്ഥാനത്ത് സ്വർണ വില കുറഞ്ഞു. 800 രൂപ കുറഞ്ഞ് ഇന്ന് 63,120 രൂപയിലാണ് വ്യാപാരം നടക്കുന്നത്. ഇന്നലെ സ്വർണത്തിന് പവന് 63,920 രൂപയായിരുന്നു വില. മൂന്ന് ​ദിവസത്തിനിടെ പവന് 1360 രൂപയാണ് കുറ‍ഞ്ഞത്. ഗ്രാമിന് 100 രൂപ കുറഞ്ഞ് വില 7,890 ആയി.

18 കാരറ്റിന് 51,648 രൂപയും 24 കാരറ്റിന് 68,856 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. ഈ മാസം 11ന് ചരിത്രത്തിലാദ്യമായി പവന്റെ വില 64,000 കടന്നിരുന്നു. അന്താരാഷ്ട്ര വിപണിയിലെ മാറ്റങ്ങളും ട്രംപിന്റെ നയങ്ങളുമെല്ലാം സ്വർണവിലയെ ബാധിക്കുന്നുണ്ടെന്നാണ് റിപ്പോർട്ടുകൾ. നിലവിൽ ഒരു പവൻ സ്വർണത്തിന് പണിക്കൂലിയടക്കം 70,000ത്തോളം രൂപ നൽകേണ്ടി വരും.