സ്വര്‍ണക്കപ്പിനായി ഇഞ്ചോടിഞ്ച് പോരാട്ടം; 791 പോയിന്റ് വീതം നേടി തൃശൂരും കണ്ണൂരും മുന്നില്‍
സംസ്ഥാന സ്‌കൂള്‍ കലോത്സവം അവസാനിക്കാന്‍ ഒരു ദിവസം ബാക്കിനില്‍ക്കെ സ്വര്‍ണക്കപ്പിനായി ഇഞ്ചോടിഞ്ച് പോരാട്ടം. 791 പോയിന്റ് വീതം നേടി തൃശൂരും കണ്ണൂരുമാണ് മുന്നില്‍. 789 പോയിന്റ് നേടി കോഴിക്കോട് തൊട്ടുപിന്നിലുണ്ട്. പാലക്കാട് 785 പോയിന്റുമായി നാലാമതാണ്. മലപ്പുറത്തിന് 762 പോയിന്റും കൊല്ലത്തിന് 757 പോയിന്റുമാണുള്ളത്. എറണാകുളം (752), തിരുവനന്തപുരം (751), ആലപ്പുഴ (743), കാസര്‍ഗോഡ് (720), വയനാട് (718), കോട്ടയം (715), പത്തനംതിട്ട (666), ഇടുക്കി (639) എന്നീ ജില്ലകളാണ് തുടര്‍ന്നുള്ള സ്ഥാനങ്ങളില്‍.
ഹൈസ്‌കൂള്‍ വിഭാഗത്തില്‍ 392 പോയിന്റുമായി തൃശൂരും കോഴിക്കോടും ഹയര്‍സെക്കന്‍ഡറി വിഭാഗത്തില്‍ 401 പോയിന്റുമായി കണ്ണൂരുമാണ് ഒന്നാമത്. ഹൈസ്‌കൂള്‍ വിഭാഗത്തില്‍ 390 പോയിന്റമായി കണ്ണൂര്‍ രണ്ടാമതും ഹയര്‍സെക്കന്‍ഡറി വിഭാഗത്തില്‍ 399 പോയിന്റുള്ള തൃശൂരാണ് രണ്ടാം സ്ഥാനത്ത്.
ഹൈസ്‌കൂള്‍ വിഭാഗം അറബിക് കലോത്സവത്തില്‍ കണ്ണൂര്‍, കോഴിക്കോട്, എറണാകുളം ജില്ലകള്‍ 90 പോയിന്റ് വീതം നേടി മുന്നിലാണ്. ഹൈസ്‌കൂള്‍ വിഭാഗം സംസ്‌കൃതം കലോത്സവത്തില്‍ 80 പോയിന്റ് വീതം നേടിയ മലപ്പുറം, പാലക്കാട്, കാസര്‍ഗോഡ് ജില്ലകളാണ് മുന്നില്‍. സ്‌കൂളുകളില്‍ ആലത്തൂര്‍ ബിഎസ്എസ് ഗുരുകുലം ഹയര്‍സെക്കന്‍ഡറി സ്‌കൂള്‍ 128 പോയിന്റോടെ ഒന്നാമതാണ്. 98 പോയിന്റ് നേടിയ തിരുവനന്തപുരം വഴുതക്കാട് കാര്‍മല്‍ ഹയര്‍സെക്കന്‍ഡറി സ്‌കൂളാണ് രണ്ടാം സ്ഥാനത്ത്.
