കൊളക്കാട് യു പി സ്കൂൾ ശതവാർഷികാഘോഷം: ലോഗോ പ്രകാശനം ചെയ്തു
ചേമഞ്ചേരി: കൊളക്കാട് യു പി സ്കൂൾ ശതവാർഷികാഘോഷം – ലോഗോ പ്രകാശനം ചെയ്തു. ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയിൽ സ്വാഗതസംഘം ജനറൽ കൺവീനർ ശ്രീനാഥ്‌ കെ.എൻ.കെ യ്ക്ക് കൈമാറികൊണ്ട് പ്രകാശനം നിർവഹിച്ചു. സ്വാഗതസംഘം ചെയർമാൻ യു. കെ. രാഘവൻ മാസ്റ്റർ അധ്യക്ഷത വഹിച്ചു.
വാർഡ് മെമ്പർ ലതിക ടീച്ചർ, പി ടി എ പ്രസിഡണ്ട് ഷറഫുദ്ധീൻ എന്നിവർ സംസാരിച്ചു. വിവിധ സബ്ബ് കമ്മിറ്റി ചെയർമാൻമാരായ ശശി ചെറൂര്, സത്യൻ കോട്ടുപൊയിൽ, തയ്യിൽ ഉണ്ണി നായർ, ശശി ഒറവങ്കര, വാസു ടി.പി, രാധ തയ്യിൽ, പൂർവ്വാധ്യാപകരായ രാജൻ മാസ്റ്റർ, ശൈലജ. വി, നിർമല. എം എന്നിവരും രക്ഷിതാക്കളും ചടങ്ങിൽ പങ്കെടുത്തു.
വാർഷികാഘോഷത്തിന്റെ ഭാഗമായി ചിത്രകലാ ക്യാമ്പ്, ദ്വിദിന സഹവാസ ക്യാമ്പ്, പൂർവധ്യാപക വിദ്യാർത്ഥി സംഗമം, മെഡിക്കൽ ക്യാമ്പ്, വിദ്യാർത്ഥികളുടെ കലാപരിപാടികൾ തുടങ്ങിയവയും നടക്കുന്നു. പ്രധാനാധ്യാപിക ശ്യാമള പി സ്വാഗതവും മാതൃസമിതി ചെയർപേഴ്സൺ രേഷ്മ നന്ദിയും പറഞ്ഞു.
