ഡ്യൂട്ടിക്ക് പോയ പൊലീസുദ്യോഗസ്ഥനെ കാണാനില്ല; പരാതിയുമായി കുടുംബം
എറണാകുളം: കോതമംഗലത്ത് ഡ്യൂട്ടിക്ക് പോയ പൊലീസുദ്യോഗസ്ഥനെ കാണാനില്ലെന്ന് പരാതി. കോതമംഗലം പൊലീസ് സ്റ്റേഷനിലെ ഗ്രേഡ് എസ്ഐ പൈങ്ങോട്ടൂർ സ്വദേശി ഷാജി പോളിനെയാണ് കാണാതായത്. കുടുംബമാണ് ഇദ്ദേഹത്തെ കാണാനില്ലെന്ന് പരാതി നൽകിയത്.
ഇന്നലെ ജോലിക്കായി കോതമംഗലം സ്റ്റേഷനിലേക്ക് പുറപ്പെട്ട ഇദ്ദേഹത്തെക്കുറിച്ച് പിന്നീട് വിവരമൊന്നും ലഭിക്കാതാവുകയായിരുന്നു എന്നാണ് കുടുംബം പറയുന്നത്. തുടർന്ന് പരിഭ്രാന്തരായ കുടുംബം പരാതി നൽകുകയായിരുന്നു. പോത്താനിക്കാട് സ്റ്റേഷനില്‍ ഷാജി പോളിന്‍റെ ഭാര്യയാണ് പരാതി നല്‍കിയിരിക്കുന്നത്.
