കണയങ്കോട് തെക്കേപ്പറമ്പിൽ റോഡും, വരകുന്ന് ഫുട്പ്പാത്തും നാടിന് സമർപ്പിച്ചു
കൊയിലാണ്ടി നഗരസഭ 2023-24 പദ്ധതിയിൽ ഉൾപ്പെടുത്തി പണി പൂർത്തീകരിച്ച കണയങ്കോട് തെക്കേപ്പറമ്പിൽ റോഡും, വരകുന്ന്, ലക്ഷം വീട് ഫുട്പ്പാത്തും (2021 – 2022 പദ്ധതി) നഗരസഭ ചെയർപേഴ്സൺ സുധ. കെ.പി ഉദ്ഘാടനം ചെയ്തു. നഗരസഭ വൈസ് ചെയർമാൻ അഡ്വ. കെ. സത്യൻ അധ്യക്ഷതവഹിച്ചു.
ചടങ്ങിൽ പൊതുമരാമത്ത് സ്റ്റാന്റിംഗ് കമ്മിറ്റി ചെയർമാൻ ഇ.കെ അജിത് മാസ്റ്റർ, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ കെ. ഷിജു മാസ്റ്റർ, നഗരസഭ സെക്രട്ടറി ഇന്ദു.എസ്. ശങ്കരി, ME ശിവപ്രസാദ്, നഗരസഭ ആസൂത്രണ സമതി അംഗം എ. സുധാകരൻ, പി.കെ. ഭരതൻ, ചോയിക്കുട്ടി എന്നിവർ സംസാരിച്ചു. വാർഡ് കൗൺസിലർ വി. എം. സിറാജ് സ്വാഗതവും ഷാമിൽ സി.കെ നന്ദിയും പറഞ്ഞു.
