ചേമഞ്ചേരിയിൽ യൂത്ത് കോൺഗ്രസ്‌ മണ്ഡലം പ്രവർത്തക കൺവെൻഷൻ ചേർന്നു
കാപ്പാട്: ചേമഞ്ചേരിയിൽ യൂത്ത് കോൺഗ്രസ്‌ മണ്ഡലം പ്രവർത്തക കൺവെൻഷൻ ചേർന്നു. പുതുതായി തെരഞ്ഞെടുക്കപ്പെട്ട ചേമഞ്ചേരി മണ്ഡലം പ്രസിഡണ്ട് റംഷീദ് കാപ്പാട് ചുമതല ഏറ്റെടുത്തു. കെ എസ് യു മുൻ സംസ്ഥാന പ്രസിഡണ്ട കെ എം അഭിജിത്ത് പരിപാടി ഉദ്ഘടനം ചെയ്തു. കായിക രംഗത്ത് തൻ്റേതായ തനത് മുദ്ര പതിപ്പിച്ച റംഷീദ് കാപ്പാടിന് സംഘടനാ രംഗത്തും മുന്നേറാൻ സാധിക്കുമെന്നും ചേമഞ്ചേരിയിലെ യൂത്ത് കോൺഗ്രസിനെ ശക്തിപ്പെടുതുന്നതിൽ അത് നിർണ്ണായകമാകുമെന്നും അദ്ദേഹം പറഞ്ഞു. മുൻ മണ്ഡലം പ്രസിഡണ്ട് നിതിൻ പി കെ അധ്യക്ഷനായി. ഡി സി സി ജനറൽ സെക്രട്ടറി രാജേഷ് കിഴരിയൂർ മുഖ്യ പ്രഭാഷണം നടത്തി.
യൂത്ത് കോൺഗ്രസ്‌ ജില്ലാ വൈസ് പ്രസിഡണ്ട് എസ് സുനന്ദ്, കെ എസ് യു സംസ്ഥാന കമ്മിറ്റി അംഗം എ കെ ജാനിബ്, യൂത്ത് കോൺഗ്രസ്‌ നിയോജക മണ്ഡലം പ്രസിഡന്റ്‌ തൻഹീർ കൊല്ലം, ജില്ലാ ജനറൽ സെക്രട്ടറി ജെറിൽ ബോസ്, ബ്ലോക്ക്‌ കോൺഗ്രസ്‌ വൈസ് പ്രസിഡണ്ട് ഷാജി തൊട്ടോളി കെ എം ദിനേശൻ അജയ് ബോസ്സ്, ഷബീർ എളവനകണ്ടി, മനോജ്‌ കാപ്പാട്, റാഷിദ്‌ മുത്താമ്പി, ഷഫീർ കാഞ്ഞിരോളി, സാദിക്ക് പൊയിൽ, വസന്ത പി, ആദർശ് കെ എം എന്നിവർ സംസാരിച്ചു.
