ഹെൽത്ത് ആൻ്റ് വെൽനസ് സെൻ്റർ പ്രവർത്തനമാരംഭിച്ചു
കൊയിലാണ്ടി: കൊയിലാണ്ടി നഗരസഭ ഹെൽത്ത് ആൻ്റ് വെൽനസ് സെൻ്റർ പ്രവർത്തനമാരംഭിച്ചു. കൊയിലാണ്ടി ഹാർബറിന് സമീപം കസ്റ്റംസ് റോഡിലാണ് ആയുഷ് അർബൻ ഹെൽത്ത് – വെൽനസ് സെൻറർ ആരംഭിച്ചത്. പ്രാഥമിക പരിശോധന, മരുന്ന്, ആരോഗ്യ ഉപദേശം എന്നിവ ലഭ്യമാകുന്ന ജനകീയാരോഗ്യ കേന്ദ്രം നഗരസഭ അധ്യക്ഷ സുധ കിഴക്കെപ്പാട്ട് ഉദ്ഘാടനം ചെയ്തു. നഗരസഭയുടെ പദ്ധതിയിൽ മൂന്ന് കേന്ദ്രങ്ങളിൽ രണ്ടാമത്തെ കേന്ദ്രമാണ് ഉദ്ഘാടനം ചെയ്യപ്പെട്ടത്. ഉച്ചക്ക് 1 മണി മുതൽ 7 മണി വരെ കേന്ദ്രം പ്രവർത്തിക്കും.
പരിപാടിയിൽ നഗരസഭ വൈസ് ചെയർമാൻ അഡ്വ. കെ. സത്യൻ അധ്യക്ഷത വഹിച്ചു. സ്ഥിരം സമിതി അധ്യക്ഷന്മായ സി. പ്രജില, ഇ.കെ. അജിത്, കെ. ഷിജു, കെ.എ. ഇന്ദിര, കൗൺസിലർമാരായ വി. പി. ഇബ്രാഹിം കുട്ടി, പി. രത്നവല്ലി, കെ.കെ. വൈശാഖ്, ഡോ: ജിബിൻ, നഗരസഭ സെക്രട്ടറി ഇന്ദു എസ്.ശങ്കരി കെ.എ.എസ്, എന്നിവർ സംസാരിച്ചു.
