ഹെൽത്ത് സെൻ്റർ നിർമ്മിക്കാനായി ക്ഷേത്ര കമ്മിറ്റി സൗജന്യമായി വിട്ടു നൽകിയ ഭൂമിയുടെ രേഖ നഗരസഭയ്ക്ക് കൈമാറി

ഹെൽത്ത് സെൻ്റർ നിർമ്മിക്കാനായി ക്ഷേത്ര കമ്മിറ്റി സൗജന്യമായി വിട്ടു നൽകിയ ഭൂമിയുടെ രേഖ നഗരസഭയ്ക്ക് കൈമാറി. കൊയിലാണ്ടി നഗരസഭ 35ാം വാർഡിലെ ചെറിയമങ്ങാട് ഹെൽത്ത് സെൻറർ നിർമ്മിക്കുന്നതിന് വേണ്ടിയാണ് ചെറിയമങ്ങാട് ക്ഷേത്രകമ്മിറ്റി നാലു സെൻറ് സ്ഥലം സൗജന്യമായി നഗരസഭയ്ക്ക് കൈമാറിയത്. ക്ഷേത്ര കമ്മിറ്റിക്കുവേണ്ടി ഉപദേശക ബോർഡ് ചെയർമാൻ വി. പി ശ്രീധരൻ നഗരസഭ ചെയർപേഴ്സൺ സുധാ കിഴക്കേപാട്ടിനു രേഖ കൈമാറി.

വൈസ് ചെയർമാൻ നഗരസഭ  അഡ്വ. കെ. സത്യൻ അധ്യക്ഷത വഹിച്ചു. പൊതുമരാമത്്ത സ്റ്റാൻ്റിംഗ് കമ്മിറ്റി ചെയർമാൻ ഇ.കെ അജിത്ത്, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ.  ഷിജു, കൌൺസിലർമാരായ വി പി ഇബ്രാഹിംകുട്ടി, സുധാകരൻ, ക്ഷേത്ര കമ്മിറ്റി പ്രസിഡണ്ട് വി കെ ഗണേശൻ എന്നിവർ സംസാരിച്ചു. കൗൺസിലർ വൈശാഖ് കെ.കെ സ്വാഗതവും വാർഡ് വികസന കമ്മിറ്റി ചെയർമാൻ കെ പി മണി നന്ദിയും പറഞ്ഞു.