സ്വർണ്ണവില 42000 കടന്ന് റെക്കോർഡിലേക്ക്

സ്വർണ്ണവില 42000 കടന്ന് റെക്കോർഡിലേക്ക്. സംസ്ഥാനത്ത് ഒരു പവൻ സ്വർണ്ണത്തിന് 42,160 രൂപയാണ് ഇന്നത്തെ വിപണി വില. കേരളത്തിൻ്റെ ചരിത്രത്തിൽ ഏറ്റവും ഉയർന്ന നിരക്കാണിത്. പവന് 280 രൂപയാണ് വർദ്ധിച്ചത്, ഇതോടെ ഒരു ഗ്രാമിന് 35 രൂപ കയറി വില 5270 രൂപയായി. 2020 ആഗസ്‌റ്റ് ഏഴിന് രേഖപ്പെടുത്തിയ 42,000 രൂപയായിരുന്നു മുൻ റെക്കോർഡ്.

അന്താരാഷ് വിപണിയിൽ സ്വർണ വില ട്രോയ് ഔൺസിന് 1938 ഡോളറിലാണ് ഇടപാടുകൾ പുരോഗമിക്കുന്നത്. ആഗോള വിപണിയിൽ മൂന്ന് വർഷം മുൻപ് രേഖപ്പെടുത്തിയ 2077 ഡോളറാണ് റെക്കോർഡ്. ഫോറെക്‌സ് മാർറ്റിൽ ഡോളറിന് മുന്നിൽ രൂപയുടെ മൂല്യം 81.38 ൽ നിന്നും 81.68 ലേയ്ക്ക് ഇടിഞ്ഞത് സ്വർണ ഇറക്കുമതി ചിലവ് ഉയർത്തിയതാണ് ആഭ്യന്തര വിപണിയിൽ പ്രതിഫലിച്ചത്.