LSS, USS ജേതാക്കളെ അനുമോദിച്ചു
കൊയിലാണ്ടി: പന്തലായനി ബ്ലോക്ക് പഞ്ചായത്ത് പരിധിയിലെ LSS, USS ജേതാക്കളെ ബ്ലോക്ക് പഞ്ചായത്തിന്റെ നേതൃത്വത്തിൽ അനുമോദിച്ചു. അനുമോദന സദസ്സ് തുറമുഖ – പുരാവസ്തു വകുപ്പ് മന്ത്രി അഹ്‌മദ് ദേവർകോവിൽ ജേതാക്കൾക്ക് മൊമെന്റോ നല്കി ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ് അദ്ധ്യക്ഷത വഹിച്ചു.
വൈസ്പ്രസിഡണ്ട് ബിന്ദു മഠത്തിൽ, വികസന സ്റ്റാന്റിംഗ് കമ്മിറ്റി ചെയർമാൻ കെ. ജീവാനന്ദൻ, ബ്ലോക്ക് മെംബർ എം.പി.മൊയ്തീൻകോയ, എ.ഇ.ഒ. പി.പി.സുധ, ബി. പി. ഒ. യൂസുഫ് നടുവണ്ണൂർ, ഹെഡ്മാസ്റ്റേഴ്സ് ഫോറം സിക്രട്ടരി ഷാജി, എൻ. ബാലറാം മുതലായവർ സംസാരിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.ടി.എം.കോയ സ്വാഗതവും, ബ്ലോക്ക് പഞ്ചായത്ത് സെക്രട്ടരി മനോജ് കുമാർ നന്ദിയും പറഞ്ഞു.
