വിവാഹ വേദിയില്‍ നിന്ന് സ്കൂള്‍ ലൈബ്രറിക്ക് പുസ്തകങ്ങള്‍ സംഭാവന
ബാലുശ്ശേരി: വിവാഹ വേദിയില്‍ നിന്ന് സ്കൂള്‍ ലൈബ്രറിക്ക് പുസ്തകങ്ങള്‍ സംഭാവന. കേരളകൗമുദി പനങ്ങാട് ഏജന്റ് ബാലുശ്ശേരി കോട്ട നട കല്ലുവെട്ടുകുഴിക്കല്‍ ബാബുവാണ് താന്‍ ആദ്യാക്ഷരം കുറിച്ച മുണ്ടക്കര എ.യു.പി.സ്കൂളിലെ ലൈബ്രറിയിലേക്ക് പുസ്തകങ്ങള്‍ നല്‍കി പുതിയ മാതൃക സൃഷ്ടിച്ചത്.
ഞായറാഴ്ച ബാലുശ്ശേരി കോട്ട വേട്ടയ്ക്കൊരു മകന്‍ ക്ഷേത്രത്തില്‍ വെച്ചാണ് പെരുമണ്ണ തച്ചുപുരക്കല്‍ ഷീനയുടെ കഴുത്തില്‍ ബാബു താലി ചാര്‍ത്തിയത്. വിവാഹ ചടങ്ങുകള്‍ കഴിഞ്ഞ ശേഷമായിരുന്നു പുസ്തകങ്ങള്‍ കൈമാറിയത്. ബാലസാഹിത്യം, ചരിത്രം ആത്മകഥ, തുടങ്ങിയ പുസ്തകങ്ങളാണ് ബാബു നല്കിയത്. ബാബുവും വധു ഷീനയും പുസ്തകങ്ങള്‍ സ്കൂള്‍ ഹെഡ്മിസ്ട്രസ് പി.പി.ജയശ്രീയ്ക്ക് കൈമാറി.
ബാബുവിന്റെ സുഹൃത്ത് പി.വി.പ്രസാദാണ് ഇതിനു വേണ്ട ഒരുക്കങ്ങള്‍ചെയ്തത്.
