ലോക്സഭ തെരഞ്ഞെടുപ്പ്: രണ്ടാംഘട്ടത്തില് ഇന്ന് 95 മണ്ഡലങ്ങളില് വോട്ടെടുപ്പ്
ഡല്ഹി> ലോക്സഭ തെരഞ്ഞെടുപ്പിന്റെ രണ്ടാംഘട്ടത്തില് ഇന്ന് 95 മണ്ഡലങ്ങളില് വോട്ടെടുപ്പ് ആരംഭിച്ചു. രാവിലെ എട്ട് മുതലാണ് വോട്ടെടുപ്പ് .പോളിങ് സ്റ്റേഷനുകള്ക്ക് മുന്നില് നീണ്ട നിരയാണുള്ളത്.
നിരവധി റെയ്ഡുകളുടെയും തമിഴ്നാട്ടിലെ വോട്ടിന് പണം ആരോപണത്തിന്െറയും പശ്ചാത്തലത്തിലാണ് വോട്ടെടുപ്പ് നടക്കുന്നത്. 11 സംസ്ഥാനങ്ങളിലും ഒരു കേന്ദ്രഭരണപ്രദേശത്തുമാണ് പോളിങ് ഉള്ളത്.തമിഴ്നാട് (38), കര്ണാടകയില് 14 സീറ്റിലും ഉത്തര്പ്രദേശ് (എട്ട്), മഹാരാഷ്ട്ര (10), അസം (അഞ്ച്), ബിഹാര് (അഞ്ച്), ഒഡിഷ (അഞ്ച്), പശ്ചിമബംഗാള് (മൂന്ന്), ഛത്തിസ്ഗഢ് (മൂന്ന്), ജമ്മു-കശ്മീര് (രണ്ട്), മണിപ്പൂര്, പുതുച്ചേരി സംസ്ഥാനങ്ങളില് ഒന്നുവീതം സീറ്റുകളിലുമാണ് ഇന്ന് വോട്ടെടുപ്പ് നടക്കുന്നത്.
തമിഴ്നാട്ടിലെ ആകെയുള്ള 38 ലോക്സഭാ സീറ്റിലും 18 നിയമസഭ സീറ്റിലും തെരഞ്ഞെടുപ്പ് നടക്കുന്നുണ്ട്. നാല് കേന്ദ്ര മന്ത്രിമാരും മുന് പ്രധാനമന്ത്രി എച്ച് ഡി ദേവഗൗഡയും ജനവിധി തേടുന്നത് ഇന്നാണ്. സിപിഐ എമ്മിന്റെ സു വെങ്കിടേശന്, കനിമൊഴി, ദയാനിധി മാരന്, പ്രകാശ് രാജ്, ഹേമാ മാലിനി, എ. രാജ, കാര്ത്തി ചിദംബരം അടക്കം പ്രമുഖര് ഇന്ന് ജനവിധിതേടുന്നു.