ബ്ലേഡ് പലിശക്കാരുടെ മാനസിക പീഡനത്തെ തുടര്‍ന്ന്‌ വീട്ടമ്മ ജീവനൊടുക്കി
ആലപ്പുഴ : ആലപ്പുഴയിലെ ആറാട്ടുപുഴയില്‍ വീട്ടമ്മ ജീവനൊടുക്കി. ആറാട്ടുപുഴ പട്ടോളി മാര്‍ക്കറ്റ് സ്വദേശി രാധാമണി (45) ആണ് മരിച്ചത്. ബ്ലേഡ് പലിശക്കാരുടെ മാനസിക പീഡനത്തെ തുടര്‍ന്നാണ് രാധാമണി ജീവനൊടുക്കിയതെന്നാണ് മക്കളുടെയും ബന്ധുക്കളുടെയും ആരോപണം. അടുത്ത കുറേ ദിവസങ്ങളായി പലിശക്കാര്‍ തുടര്‍ച്ചയായി വീട്ടിലെത്തി ഭീഷണിപ്പെടുത്താറുണ്ടായിരുന്നുവെന്ന് പറയപ്പെടുന്നു.
