ബീച്ച് ആശുപത്രിയില് വൃദ്ധരെ ഉപേക്ഷിച്ച സംഭവം; മനുഷ്യാവകാശ കമ്മീഷന് റിപ്പോര്ട്ട് തേടി
കോഴിക്കോട്: കോഴിക്കോട് ബീച്ച് ഗവ. ജനറല് ആശുപത്രിയില് വൃദ്ധരെ ഉപേക്ഷിച്ച നിലയില് കണ്ടെത്തിയ സംഭവത്തില് സംസ്ഥാന മനുഷ്യാവകാശ കമ്മീഷന് റിപ്പോര്ട്ട് തേടി. സാമൂഹ്യനീതി ഓഫീസറോട് ഉടന് റിപ്പോര്ട്ട് സമര്പ്പിക്കാനാണ് കമ്മീഷന് ആവശ്യപ്പെട്ടിരിക്കുന്നത്.
കഴിഞ്ഞയാഴ്ചയാണ് ബീച്ച് ഗവ. ജനറല് ആശുപത്രിയില് 23 വൃദ്ധരെ ഉപേക്ഷിച്ച നിലയില് കണ്ടെത്തിയത്. ചികിത്സയ്ക്കായി ബന്ധുക്കള് എത്തിച്ച് ആശുപത്രിയില് ഉപേക്ഷിക്കുകയായിരുന്നു പലരേയും. മൂന്ന് സ്ത്രീകള് ഉള്പ്പെടെ അമ്പത് വയസിലേറെ പ്രായമുള്ളവരാണ് ആശുപത്രിയില് ഉള്ളത്.