ദിലീപിന്‍റെ റിമാന്‍ഡ് ആഗസ്റ്റ്‌ 22 വരെ നീട്ടി
അങ്കമാലി: നടിയെ തട്ടിക്കൊണ്ടുപോയി ഉപദ്രവിച്ച കേസില്‍ നടന്‍ ദിലീപിന്‍റെ റിമാന്‍ഡ് ആഗസ്റ്റ്‌ 22 വരെ നീട്ടി. അങ്കമാലി ജുഡീഷ്യല്‍ മജിസ്ട്രേറ്റ് കോടതിയാണ് റിമാന്‍ഡ് നീട്ടിയത്. വിഡിയോ കോണ്‍ഫറന്‍സിങ് വഴിയാണ് കോടതി നടപടിക്രമങ്ങള്‍ നടന്നത്. പുതിയ അഭിഭാഷകന്‍ ബി. രാമന്‍പിള്ള ഈ ആഴ്ചതന്നെ ദിലീപിെന്‍റ ജാമ്യാപേക്ഷ ഹൈകോടതിയില്‍ സമര്‍പ്പിക്കും.
കേസില്‍ അനുബന്ധ കുറ്റപത്രം ഉടന്‍ സമര്‍പ്പിക്കാനുള്ള തയാറെടുപ്പിലാണ് അന്വേഷണ സംഘം. ചില പ്രമുഖര്‍ക്ക് കേസിലുള്ള ബന്ധം ഉറപ്പിക്കാനുള്ള തെളിവുകളുടെ ശേഖരണമാണ് അന്വേഷണ സംഘം ഇപ്പോള്‍ നടത്തുന്നത്. ആദ്യ കുറ്റപത്രം അനുസരിച്ച്‌ ദിലീപ് 11ാം പ്രതിയാണ്. അനുബന്ധ കുറ്റപത്രം സമര്‍പ്പിക്കുമ്ബോള്‍ രണ്ടാം പ്രതിയാകും. പള്‍സര്‍ സുനിയാണ് ഒന്നാം പ്രതി. ദിലീപിെന്‍റ മാനേജര്‍ അപ്പുണ്ണിയെയും സംവിധായകന്‍ നാദിര്‍ഷയെയും വീണ്ടും ചോദ്യം ചെയ്തേക്കും.
നടി ആക്രമിക്കപ്പെട്ട സംഭവത്തില്‍ നാദിര്‍ഷക്ക് നേരിട്ട് ബന്ധമില്ലെന്നാണ് പൊലീസിെന്‍റ നിഗമനം. തെളിവ് നശിപ്പിക്കാന്‍ ശ്രമിച്ചിട്ടുണ്ടോ എന്നാണ് ഇപ്പോള്‍ അന്വേഷിക്കുന്നത്. സഹോദരന്‍ സമദിനെ കഴിഞ്ഞ ദിവസം വിളിച്ചു വരുത്തി മൊഴിയെടുത്തിരുന്നു. കഴിഞ്ഞ മാസം 25നാണ് ദിലീപിനെ അങ്കമാലി ഒന്നാം ക്ലാസ് മജിസ്ട്രേറ്റ് കോടതി റിമാന്‍ഡ് ചെയ്തത്.
