കോഴിക്കോട് ബിലാത്തിക്കുളം ശിവക്ഷേത്രത്തിലെ ഭണ്ഡാരം കുത്തിത്തുറന്ന് കവര്ച്ച
കോഴിക്കോട്: ബിലാത്തിക്കുളം ശിവക്ഷേത്രത്തിലെ ഭണ്ഡാരം കുത്തിത്തുറന്ന് കവര്ച്ച. മോഷണത്തിെന്റ ദൃശ്യങ്ങള് ക്ഷേത്രത്തിലെ സി.സി.ടി.വിയില് പതിഞ്ഞിട്ടുണ്ട്. ചൊവ്വാഴ്ച അര്ധരാത്രിയോടെയായിരുന്നു മോഷണം. ക്ഷേത്രത്തിന് പുറത്ത് സ്ഥാപിച്ച ഭണ്ഡാരത്തിന്റെ പിറകുവശം കുത്തിത്തുറന്നായിരുന്നു കവര്ച്ച. മുഖം പാതി മറച്ചെത്തിയ യുവാക്കള് മോഷണം നടത്തുന്നത് സി.സി.ടി.വി ദൃശ്യങ്ങളില് വ്യക്തമാണ്. ഭണ്ഡാരം ഇളക്കിമാറ്റാനായിരുന്നു ആദ്യ ശ്രമം. അത് പരാജയപ്പെട്ടപ്പോള് കമ്പിപ്പാരകൊണ്ട് പൂട്ട് കൂത്തിപ്പൊളിക്കാനായി നീക്കം.
ആദ്യ ശ്രമം നടക്കാതെ വന്നപ്പോള് കള്ളന്മാരിലൊരാള് കൊടിമരത്തില് തൊട്ട് പ്രാര്ഥിച്ച് മോഷണ ശ്രമം തുടരുന്നതും ദൃശ്യങ്ങളിലുണ്ട്. അരമണിക്കൂര് നീണ്ട ശ്രമത്തിനൊടുവിലാണ് പണം കവര്ന്നത്. നടക്കാവ് പൊലീസ് കേസെടുത്തു. വിരലടയാളവിദഗ്ധര് ക്ഷേത്രത്തിലെത്തി പരിശോധന നടത്തി.