അണ്ലിമിറ്റഡ് ഇന്കമിങ് കോള് ഓഫറുമായി എയര്ടെല്
അണ്ലിമിറ്റഡ് ഇന്കമിങ് കോള് ഓഫറുമായി രാജ്യത്തെ മുന്നിര സ്വകാര്യ ടെലികോം കമ്പനിയായ എയര്ടെല് ഇന്റര്നാഷണല് റോമിങ് പാക്ക് അവതരിപ്പിച്ചു. പത്ത് ദിവസമാണ് പാക്കിന്റെ കാലാവധി. സിംഗപുര്, തായ്ലാന്ഡ്, യുഎസ്, കാനഡ, ബ്രിട്ടണ്, യുഎഇ എന്നീ രാജ്യങ്ങളിലേക്ക് പോകുന്ന യൂസര്മാര്ക്ക് ആണ് ഈ ഓഫര് ലഭിക്കുക. 1,999 രൂപ മുതലാണ് സിംഗപൂര്-തായ്ലാന്ഡ് പാക്കുകളുടെ തുടക്കം. 2 ജിബി ഡേറ്റയും ഇന്ത്യയിലേക്ക് 250 മിനിറ്റ് സൗജന്യ കോളും 100 സൗജന്യ എസ്എംഎസും ഈ പാക്ക് വഴി യൂസര്ക്ക് ലഭിക്കും. പാക്ക് കഴിഞ്ഞാല് ഒരു എംബി ഡേറ്റയ്ക്ക് മൂന്ന് രൂപയേ ഈടാക്കൂ. ഇന്ത്യയിലേക്കും മറ്റേതൊരു നെറ്റ്വര്ക്കിലേക്കുമുള്ള പ്രാദേശിക കോളുകള്ക്ക് മിനിറ്റിന് മൂന്ന് രൂപയും നല്കേണ്ടി വരും.
ഒരു ദിവസത്തേക്കും 30 ദിവസത്തേക്കുമായി നേരത്തെ എയര്ടെല് രാജ്യാന്തര റോമിങ് പാക്കുകള് അവതരിപ്പിച്ചിരുന്നു. ഡാറ്റാ പാക്കിന്റെ വലിഡിറ്റി കഴിഞ്ഞാല് രാജ്യാന്തര റോമിങ്ങില് നേരത്തെ എയര്ടെല് ഒരു എംബിയ്ക്ക് 650 രൂപയാണ് യൂസര്മാരില് നിന്നും ഈടാക്കിയിരുന്നത്. ഇത് ഇപ്പോള് 99 ശതമാനം കുറച്ച് എംബിക്ക് മൂന്ന് രൂപയാക്കി.