ഓപ്പറേഷന് സിന്ദൂര്: എഴുപത്തഞ്ചോളം വിദ്യാര്ത്ഥികള് കേരള ഹൗസിലെത്തി
ഓപ്പറേഷന് സിന്ദൂറിന്റെ പശ്ചാത്തലത്തില് സംഘര്ഷ ബാധിതമായ അതിര്ത്തി സംസ്ഥാനങ്ങളിലെ യൂണിവേഴ്സിറ്റികളില് നിന്നും കേരളത്തിലേക്ക് മടങ്ങുന്ന വിദ്യാര്ത്ഥികള് ഡല്ഹി കേരള ഹൗസിലെത്തി. ജമ്മു, രാജസ്ഥാന്, പഞ്ചാബ് എന്നിവിടങ്ങളിലെ വിവിധ കേന്ദ്ര – സംസ്ഥാന യൂണിവേഴ്സിറ്റികളില് നിന്നായി ഇന്നലെ രാത്രിയോടെയും ഇന്ന് പുലര്ച്ചയുമായി എഴുപത്തഞ്ചോളം വിദ്യാര്ത്ഥികളാണ് കേരള ഹൗസിലെത്തിയത്. സംസ്ഥാനത്തിന്റെ വിവിധ ഭാഗങ്ങളില് നിന്നുള്ള വിദ്യാര്ത്ഥികള് വിവിധ വിമാനങ്ങളിലും ട്രെയിനുകളിലുമായി ഇന്നും പുലര്ച്ചയുമായി നാട്ടിലേക്ക് തിരിക്കും.
സംഘര്ഷാവസ്ഥയുടെ പശ്ചാത്തലത്തില് അതിര്ത്തി സംസ്ഥാനങ്ങളിലെ കേരളീയര്ക്കും മലയാളി വിദ്യാര്ത്ഥികള്ക്കും സഹായവും വിവരങ്ങളും ലഭ്യമാക്കുന്നതിനായി മുഖ്യമന്ത്രി പിണറായി വിജയന്റെ നിര്ദേശ പ്രകാരമാണ് ന്യൂഡല്ഹി കേരള ഹൗസില് 24 മണിക്കൂറും പ്രവര്ത്തിക്കുന്ന കണ്ട്രോള് റൂം തുറന്നത്. കണ്ട്രോള് റൂം ഹെല്പ്പ് ലൈന് നമ്പര്. 01123747079.
