ഈ ഭക്ഷണങ്ങൾ വീണ്ടും ചൂടാക്കി കഴിക്കാറുണ്ടോ? സൂക്ഷിക്കുക!
.
ബാക്കിവരുന്ന ഭക്ഷണങ്ങൾ വീണ്ടും വീണ്ടും ചൂടാക്കി കഴിക്കുന്നത് സാധാരണമാണ്. എളുപ്പപണി ആണെങ്കിലും ഈ ശീലങ്ങൾ നല്ലതല്ലെന്നാണ് ആരോഗ്യവിദഗ്ധർ വ്യക്തമാക്കുന്നത്. ചില ഭക്ഷണങ്ങൾ ചൂടാക്കുന്നത് അതിന്റെ ഘടന, രുചി എന്നിവയെ കാര്യമായി ബാധിക്കും. ഇത്തരത്തിൽ ചൂടാക്കി കഴിക്കരുതാത്ത ഭക്ഷണങ്ങൾ ഏതൊക്കെയാണെന്ന് അറിയണ്ടേ. ചായയിൽ ധാരാളമായി ആന്റിഓക്സിഡന്റുകളു പോളിഫിനോളുകളും അടങ്ങിയിട്ടുണ്ട്.
ഈ ഘടകകങ്ങൾ ആണ് ചായക്ക് രുചിയും ഗുണങ്ങളും നൽകുന്നത്. എന്നാൽ, ചായ വീണ്ടും ചൂടാക്കുന്നത് ഈ ഘടകങ്ങൾ ഇല്ലാതാക്കും. കൂടാതെ ചായ തയ്യാറാക്കിയ ശേഷം കുറേ നേരം പുറത്തുവെച്ചിട്ട് ചൂടാക്കി കുടിക്കുമ്പോൾ ഇത് അസിഡിറ്റി വർധിപ്പിക്കുന്നു. ചായയിൽ ഉണ്ടാകുന്ന ബാക്ടീരിയകൾ പുളിപ്പിക്കൽ പ്രക്രിയയിലൂടെ ആസിഡിക് ഘടകങ്ങൾ ഉത്പാദിപ്പിക്കുന്നതാണ് ഇതിന് കാരണം.
പാചകത്തിന് ഉപയോഗിച്ച എണ്ണ വീണ്ടും ചൂടാക്കുമ്പോൾ അതിന്റെ ഗുണനിലവാരത്തേയും സുരക്ഷയേയും ബാധിക്കുന്ന രാസമാറ്റങ്ങൾ സംഭവിക്കാം. എണ്ണ പലതവണ ചൂടാക്കുന്നത് ഇവയിലെ ട്രാൻസ് ഫാറ്റുകൾ വർധിപ്പിക്കാൻ കാരണമാകുമെന്ന് പറയുന്നു. ഇവ ശരീരത്തിൽ വീക്കത്തിനും ഹൃദയസംബന്ധമായ അസുഖങ്ങൾക്കും കാരണമാകും.
കൂണുകൾ വെള്ളം വേഗത്തിൽ ആഗിരണം ചെയ്യുന്നു. അതിനാൽ ബാക്ടീരിയകൾ ഇവയിൽ അതിവേഗത്തിൽ വളരുന്നു. കൂൺ വീണ്ടും വീണ്ടും ചൂടാക്കുന്നത് അപകടകാരികളായ ബാക്ടീരിയകൾക്ക് വളരാൻ സാഹചര്യമൊരുക്കുന്നു. ഇത് പലതരത്തിലുള്ള ആരോഗ്യപ്രശ്നങ്ങൾ ഉണ്ടാവുന്നതിന് കാരണമാകുന്നു. കൂണുകളിൽ നിറയെ പ്രോട്ടീൻ അടങ്ങിയിട്ടുണ്ട്. എന്നാൽ, പാകം ചെയ്ത കൂൺ വീണ്ടും ചൂടാക്കുമ്പോൾ ഈ പ്രോട്ടീനുകൾ ഇല്ലാതാവുകയും, അവ കഴിക്കുന്നത് ശരീരത്തെ ദോഷകരമായി ബാധിക്കുകയും ചെയ്യുന്നു.
