അത്തോളിയിൽ വിദ്യാർത്ഥികൾ സഞ്ചരിച്ച സ്കൂട്ടർ ഇടിച്ച് കാൽനട യാത്രക്കാരൻ മരിച്ചു
.
കോഴിക്കോട്: അത്തോളിയിൽ വിദ്യാർത്ഥികൾ സഞ്ചരിച്ച സ്കൂട്ടർ ഇടിച്ച് കാൽനട യാത്രക്കാരൻ മരിച്ചു. അപകടത്തിൽ അത്തോളി കോങ്കൽ സ്വദേശി സെയ്തലവി (65) ആണ് ദാരുണമായി കൊല്ലപ്പെട്ടത്. കോങ്കലിൽ വെച്ച് ഇന്നലെ ഉച്ചയ്ക്ക് 1.20ഓടെയായിരുന്നു അപകടം. മൂന്ന് വിദ്യാർത്ഥികൾ സഞ്ചരിച്ച സ്കൂട്ടർ അമിതവേഗത്തിലെത്തി സെയ്തലവിയെ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തിൽ തെറിച്ചുവീണ സ്കൂട്ടറിന്റെ പിൻസീറ്റിലിരുന്ന വിദ്യാർത്ഥിക്കും ഗുരുതരമായി പരിക്കേറ്റിട്ടുണ്ട്.
.
.
അപകടം നടന്ന ഉടൻ സ്കൂട്ടറിലുണ്ടായിരുന്ന മറ്റൊരു വിദ്യാർത്ഥി വാഹനം എടുത്ത് വേഗത്തിൽ സ്ഥലത്തുനിന്ന് കടന്നുകളഞ്ഞു. അപകടത്തിൻ്റെ സി.സി.ടി.വി (CCTV) ദൃശ്യങ്ങൾ പുറത്തുവന്നിട്ടുണ്ട്. സംഭവത്തിൽ അത്തോളി പൊലീസ് കേസെടുത്ത് അന്വേഷണം ആരംഭിച്ചു. കടന്നുകളഞ്ഞ വിദ്യാർത്ഥിക്കായി തിരച്ചിൽ ശക്തമാക്കിയിട്ടുണ്ട്.
