താനൂരില് ട്രോമ കെയര് പ്രവര്ത്തകന് വെട്ടേറ്റു
മലപ്പുറം: താനൂരില് ട്രോമ കെയര് പ്രവര്ത്തകന് വെട്ടേറ്റു. ചാപ്പുപ്പടി സ്വദേശി ജാബിറിനാണ് വെട്ടേറ്റത്. പുലര്ച്ചെ രണ്ടേമുക്കാലോടെ ബൈക്കുകളിലെത്തിയ നാലംഗ സംഘമാണ് ജാബിറിനെ ആക്രമിച്ചത്. ഇയാളുടെ കൈക്കും കാലിനും വെട്ടേറ്റു. പരിക്ക് ഗുരുതരമല്ല.
സ്ഥലത്തുണ്ടായ ചില അടിപിടി കേസുകളെക്കുറിച്ചും പ്രതികളെക്കുറിച്ചും ജാബിര് പോലീസിന് വിവരം നല്കിയിരുന്നു. ഇതിന്റെ വൈരാഗ്യമാകാം ആക്രമണത്തിന് പിന്നിലെന്ന് കരുതുന്നതായി പോലീസ് പറഞ്ഞു. പോലീസ് അന്വേഷണം ആരംഭിച്ചു.