വനിതാ ദിനാഘോഷത്തിന്‍റെ ഭാഗമായി വനിതാ കൂട്ടായ്മ സംഘടിപ്പിച്ച്‌ വനിതാ കമ്മീഷന്‍
കൊച്ചി: വനിതാ ദിനാഘോഷത്തിന്‍റെ ഭാഗമായി കൊച്ചിയില്‍ വനിതാ കൂട്ടായ്മ സംഘടിപ്പിച്ച്‌ വനിതാ കമ്മീഷന്‍. വിവിധ മേഖലകളില്‍ കഴിവ് തെളിയിച്ച സ്ത്രീകള്‍ക്കും സാധാരണക്കാരായ സ്ത്രീകള്‍ക്കും ഒത്തുകൂടാന്‍ വേണ്ടിയാണ് സംസ്ഥാന വനിത കമ്മീഷന്‍ കൂട്ടായ്മ സംഘടിപ്പിച്ചത്. വനിത ദിനത്തിന്‍റെ ചരിത്രവും പ്രാധാന്യവും സ്ത്രീകളെ ബോധ്യപ്പെടുത്തുകയായിരുന്നു കൂട്ടായ്മയുടെ ലക്ഷ്യം.
വനിത കമ്മീഷന്‍ അധ്യക്ഷ എം സി ജോസഫൈന്‍ കൂട്ടായ്മ ഉദ്ഘാടനം ചെയ്തു. സമൂഹത്തിലെ സ്ത്രീകളുടെ പ്രശ്നങ്ങള്‍ പരിഹരിക്കാന്‍ പര്യാപ്തമാവാത്ത വിദ്യാഭ്യാസരീതിയാണ് ഇന്ന് നിലവിലുള്ളതെന്ന് വനിത കമ്മീഷന്‍ അധ്യക്ഷ പറഞ്ഞു
96 വയസ്സില്‍ സാക്ഷരത പരീക്ഷയില്‍ 98% മാര്‍ക്ക് നേടിയ കാര്‍ത്യായനി അമ്മ, ആഴക്കടലിലെ മത്സ്യബന്ധനത്തിന് ലൈസന്‍സ് നേടിയ തൃശൂരിലെ രേഖ കാര്‍ത്തികേയന്‍, കരാട്ടെ ഓപ്പണ്‍ ചാംപ്യന്‍ഷിപ്പില്‍ ഗോള്‍ഡ് മെഡല്‍ നേടിയ ബിന്ദു സത്യനാഥന്‍ തുടങ്ങി വിവിധ മേഖലകളില്‍ കഴിവ് തെളിയിച്ച സ്ത്രീ രത്നങ്ങളെ ചടങ്ങില്‍ വനിത കമ്മീഷന്‍ ആദരിച്ചു.
സൈബര്‍ ആക്രമണത്തിനെതിരെ പൊരുതി ജയം നേടിയ ശോഭ സജുവും പവര്‍ ലിഫ്റ്റിംഗ് മെഡല്‍ നേടിയ സെലസ്റ്റിന റെബല്ലോയും സര്‍ക്കാരിന്‍റെ ദത്തുപുത്രി ഹനാനും അഗസ്ത്യാര്‍കൂടം കയറിയ ധന്യസനലും ചടങ്ങില്‍ ആദരിക്കപ്പെട്ടു. ഇവര്‍ക്കൊപ്പം സാധാരണക്കാരായ മുതിര്‍ന്ന സ്ത്രീകളേയും ചടങ്ങില്‍ ആദരിച്ചു. കൊച്ചി മേയര്‍ സൗമിനി ജയിന്‍, ഹൈബി ഈ‍ഡന്‍ എംഎല്‍എ എന്നിവരും ചടങ്ങില്‍
