നിതിന് രാജിന്റെ മരണത്തില് സംസ്ഥാനത്ത് ഹര്ത്താല് ആരംഭിച്ചു. വാഹനങ്ങള് തടയുന്നു
തിരുവനന്തപുരം: അഞ്ചരക്കണ്ടി ദന്തല് കോളേജ് വിദ്യാര്ത്ഥി നിതിന് രാജിന്റെ മരണത്തില് വിവിധ ദളിത്-ആദിവാസി സംഘടനകളും ആക്ഷന് കൗണ്സിലും ആഹ്വാനം ചെയ്ത ഹര്ത്താല് ആരംഭിച്ചു. പ്ലക്കാർഡുകള് ഉയർത്തിയാണ് പ്രതിഷേധം. പ്രതിഷേധക്കാർ വിവിധ ജില്ലകളിൽ ബസും ഓട്ടോയും അടക്കം തടയുന്നുണ്ടെങ്കിലും പോലീസ് ഇടപെട്ട് പ്രതിഷേധക്കാരെ മാറ്റുന്നുണ്ട്. തിരുവനന്തപുരം കണിയാപുരത്തും നെടുമങ്ങാടും തമ്പാനൂരും പ്രതിഷേധക്കാര് വാഹനം തടഞ്ഞു.
നെടുമങ്ങാട് കെഎസ്ആര്ടിസി ബസ് സ്റ്റാന്ഡില് നിന്നും ബസുകള് പുറത്തേക്ക് ഇറക്കാന് ഏറെ നേരം ഹര്ത്താല് അനുകൂലികള് അനുവദിച്ചില്ല. കണിയാപുരത്ത് ഒന്നരമണിക്കൂറിലേറെയായി വാഹനങ്ങള് തടയുകയാണ്. തുടര്ന്ന് പൊലീസും പ്രവര്ത്തകരും തമ്മില് ഉന്തും തള്ളുമുണ്ടായി. ഇടുക്കി തൊടുപുഴ നഗരത്തിലും വടക്കന് പറവൂരിലെ കച്ചേരിപടിയിലും ഹര്ത്താല് അനുകൂലികള് വാഹനം തടഞ്ഞു. അതേസമയം ക്രമസമാധാനം നിലനിര്ത്താന് പ്രദേശത്ത് പൊലീസിനെ വിന്യസിച്ചിട്ടുണ്ട്. കഴിഞ്ഞ ദിവസം ഹര്ത്താലില് നിര്ബന്ധിതമായി വാഹനങ്ങള് തടയില്ലെന്ന് ആക്ഷന് കൗണ്സില് അറിയിച്ചിരുന്നു.
