കനത്ത ചൂടിൽ നിന്ന് ചർമ്മത്തെ എങ്ങനെ സംരക്ഷിക്കാം
.
വേനൽക്കാലത്ത് ശ്രദ്ധിക്കേണ്ട ഒന്നാണ് ചർമ്മ സംരക്ഷണം. കനത്ത ചൂടിൽ നിന്ന് ചർമ്മത്തെ സംരക്ഷിക്കാൻ ദിവസവും കുറഞ്ഞത് 3 ലിറ്റർ വെള്ളം കുടിച്ച് ശരീരവും ചർമ്മവും ഹൈഡ്രേറ്റഡ് ആയി സൂക്ഷിക്കുക. ആരോഗ്യമുള്ള ഭക്ഷണക്രമം ഉൾപ്പെടെയുള്ളവ പാലിച്ചാലേ ചർമ്മം ഭംഗിയോടെ നിലനിർത്താനാവൂ. വിറ്റാമിൻ ബി, സി, ഫോസ്ഫറസ് എന്നിവയുടെ മികച്ച ഉറവിടമാണ് നാരങ്ങ. ഇത് നിങ്ങളുടെ ചർമ്മത്തിന് സ്വാഭാവിക തിളക്കം നൽകും. ഇതിൽ സ്വാഭാവിക ആസിഡുകളും അടങ്ങിയിട്ടുണ്ട്. ചർമ്മത്തിന് ആവശ്യമായ ആന്റി ഓക്സിഡന്റുകളുടെ ഉറവിടമാണ് ബീറ്റ്റൂട്ട്.
ആന്റിഓക്സിഡന്റുകൾ ചർമ്മത്തിലെ മൃതകോശങ്ങളെ നിറയ്ക്കാനും പിഗ്മെന്റേഷൻ നീക്കം ചെയ്യാനും സഹായിക്കുന്നു. ഇത് രക്തത്തെ ശുദ്ധീകരിക്കുന്നു, ഇത് ചർമ്മത്തിന് പ്രത്യേകിച്ച് മുഖത്തിന് ആരോഗ്യകരമായ തിളക്കം നൽകുന്നു. മുന്തിരി ചർമ്മത്തെ ആരോഗ്യകരവും ചെറുപ്പവുമായി നിലനിർത്തുന്നു. മുന്തിരിയിൽ അടങ്ങിയിരിക്കുന്ന ആന്റിഓക്സിഡന്റുകൾ കറുത്ത പാടുകൾ, ചുളിവുകൾ, പ്രായമാകുന്നതിന്റെ മറ്റ് ലക്ഷണങ്ങൾ എന്നിവ കുറയ്ക്കാൻ സഹായിക്കുന്നു.
ഫ്ളാക്സ് സീഡുകൾ പതിവായി കഴിക്കുന്നത് ചർമ്മത്തിന് തിളക്കം നൽകും. മാത്രമല്ല, മുടിക്ക് ഫലപ്രദവുമാണ്. വാൾനട്ട് വളരെ ആരോഗ്യകരവും ചർമ്മത്തിന് നല്ലതുമാണ്. അവശ്യ ഒമേഗ -6, ഫാറ്റി ആസിഡുകൾ എന്നിവയും വാൾനട്ടിൽ അടങ്ങിയിട്ടുണ്ട്. ചർമ്മത്തിന് ആവശ്യമായ സിങ്ക് പോലെയുള്ള മറ്റ് പോഷകങ്ങളും ഇതിൽ അടങ്ങിയിട്ടുണ്ട്.
