നിതിന് രാജിന്റെ മരണം; വൈറ്റ് കോട്ട് ഊരി പ്രതിഷേധിച്ച് വിദ്യാർത്ഥികൾ
.
കണ്ണൂര്: ആത്മഹത്യ ചെയ്ത നിതിന് രാജിന്റെ മരണത്തില് പ്രതിഷേധം ശക്തം. പ്രതിയായ ഡോ. റാമിനെ പിടികൂടണമെന്ന് ആവശ്യപ്പെട്ട് ദന്തല് ക്ലിനിക്കിലേക്ക് ഡിവൈഎഫ്ഐ മാര്ച്ച് നടത്തി. റാമിന്റെ ക്ലിനിക്കിന്റെ ബോര്ഡ് വലിച്ച് കീറി ഡിവൈഎഫ്ഐയുടെ പ്രതിഷേധ പോസ്റ്ററും ഒട്ടിച്ചു. ഡെന്റല് കോളേജിലേക്ക് പട്ടികജാതി ക്ഷേമസമിതി പ്രതിഷേധം നടത്തി. കോളേജില് നിന്നും റാമിനെ പുറത്താക്കണമെന്നും നീതി വേണമെന്നും ആവശ്യപ്പെട്ടാണ് വിദ്യാര്ത്ഥികളുടെ പ്രതിഷേധം. വൈറ്റ് കോട്ട് അഴിച്ചുള്ള പ്രതിഷേധമാണ് വിദ്യാര്ത്ഥികള് സംഘടിപ്പിക്കുന്നത്.
നിതിന്റെ മരണത്തിന്റെ പശ്ചാത്തലത്തില് വിദ്യാര്ത്ഥികള് പരാതികള് ശേഖരിച്ച് വരികയാണ്. പ്രത്യേക മെയില് ഐ ഡി ഉപയോഗിച്ചാണ് പരാതികള് ശേഖരിക്കുന്നത്. ഇതുവരെ 150 ലേറെ പരാതികളാണ് അധ്യാപകര്ക്കെതിരെ ലഭിച്ചത്. ഡോ. റാം ഉള്പ്പെടെ മൂന്ന് അധ്യാപകര്ക്കെതിരെയാണ് പരാതികള് ലഭിച്ചത്.
