മലപ്പുറം ഉപതെരഞ്ഞെടുപ്പ് : യുഡിഎഫ് ലീഡ് ചെയ്യുന്നു
മലപ്പുറം : മലപ്പുറം ലോക്സഭാ മണ്ഡലത്തില്‍ നടന്ന ഉപതെരഞ്ഞെടുപ്പിന്റെ വോട്ടെണ്ണല്‍ പുരോഗമിക്കുന്നു. വോട്ടെണ്ണല്‍ മൂന്നുമണിക്കൂര്‍ പിന്നിടുമ്പോള്‍ അഡ്വ. എം ബി ഫൈസല്‍ (എല്‍ഡിഎഫ്)- 282278, പി കെ കുഞ്ഞാലിക്കുട്ടി (യുഡിഎഫ്)- 430405, അഡ്വ. എന്‍ ശ്രീപ്രകാശ് (എന്‍ഡിഎ)-55359, നോട്ട-3393 എന്ന നിലയിലാണ് ഫലസൂചനകള്‍. 148127 വോട്ടിന് യുഡിഎഫ് ലീഡ് ചെയ്യുകയാണ്.
മലപ്പുറം ഗവ. കോളേജില്‍ രാവിടെ എട്ടിന് തുടങ്ങിയ വോട്ടെണ്ണല്‍ പുരോഗമിക്കുകയാണ്. 11 മണിയോടെ ചിത്രം വ്യക്തമാകും. 12നായിരുന്നു വോട്ടെടുപ്പ്. 13,12,693 വോട്ടര്‍മാരില്‍ 9,36,315 പേരാണ് വോട്ടുചെയ്തത്- പോളിങ് 71.33 ശതമാനം. 2014ലെ പൊതുതെരഞ്ഞെടുപ്പില്‍ 71.21 ശതമാനമായിരുന്നു പോളിങ്.
കൊണ്ടോട്ടി, മഞ്ചേരി, മലപ്പുറം, പെരിന്തല്‍മണ്ണ, മങ്കട, വേങ്ങര, വള്ളിക്കുന്ന് എന്നീ ഏഴ് നിയമസഭാ മണ്ഡലങ്ങളടങ്ങിയതാണ് മലപ്പുറം ലോക്സഭാ മണ്ഡലം. ഓരോ നിയമസഭാ മണ്ഡലത്തിനും പന്ത്രണ്ട് മേശകള്‍ സജ്ജീകരിച്ചാണ് വോട്ടെണ്ണല്‍.
