തിരുവങ്ങൂർ ഹയർ സെക്കൻ്ററി സ്കൂൾ ശതവാർഷിക ആഘോഷം
തിരുവങ്ങൂർ ഹയർ സെക്കൻ്ററി സ്കൂൾ ശതവാർഷിക ആഘോഷം സമാപനം ജനുവരി 26, 27 തിയ്യതികളിൽ നടക്കും. സ്കൂൾ അങ്കണത്തിൽ പൂർവ്വ വിദ്യാർത്ഥി മഹാ സംഗമം രാവിലെ 9 മണി മുതൽ രജിസ്ട്രേഷൻ നടക്കും. 9-30 റിപ്പബ്ലിക്ക് ദിന അംസംബ്ലി. തുടർന്ന് പൂർവ്വ വിദ്യാർത്ഥികളായ കാഞ്ഞിലശ്ശേരി വിനോദ്മാരാർ, ഗംഗാധരൻ കാഞ്ഞിലശ്ശേരി എന്നിവർ നേതൃത്വം നൽകുന്ന കേളി – അരങ്ങുന്നർത്തൽ ശേഷം നടക്കുന്ന ഉദ്ഘാടന സമ്മേളനം പ്രഭാഷകനും കവിയും ഗാനരചയിതാവും ആയ രമേശ് കാവിൽ ഉദ്ഘാടനം ചെയ്യും.
.
.
പന്തലായനി ബ്ലോക്ക് പഞ്ചായത്ത് പ്രസിഡൻ്റ് അശ്വതി ഷിനിലേഷ് മുഖ്യാതിഥി ആയിരിക്കും. സ്വാഗത സംഘം ചെയർമാൻ അശോകൻ കോട്ട് ചടങ്ങിൽ അധ്യക്ഷത വഹിക്കും. ആരോഗ്യ വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർപേഴ്സൺ അഫ്സ മനാഫ്, വാർഡ് മെമ്പർ നളിനി കെ എം, മുൻ എച്ച് എം. എം സി മമ്മദ് കോയ എന്നിവർ ആശംസകളർപ്പിച്ച് സംസാരിക്കും. തുടർന്ന് എഴുപതോളം വരുന്ന പൂർവ്വാധ്യാപകരെയും അധ്യാപകേതര ജീവനക്കാരെയും ആധരിക്കും. ഉച്ചക്ക് ശേഷം 2 മണിക്ക് മലബാറിലെ അറിയപ്പെടുന്ന വാദ്യകലാകാരന്മാർ – പത്മനാഭൻ കാഞ്ഞിലശ്ശേരി, സന്തോഷ് കൈലാസ്, റിജിൽ കാഞ്ഞിലശ്ശേരി, വിഷ്ണുപ്രസാദ് എന്നിവർ നയിക്കുന്ന പഞ്ചാരിമേളം.
.
.
തുടർന്ന് കലാ പരിപാടികൾ.4 മണിക്ക് പ്രശസ്ത നർത്തകി ലജ്ന ഷോളി സംവിധാനം നിർവ്വഹിച്ച 100 കലാകാരികൾ അണിനിരക്കുന്ന ഡാൻസ് ഫ്യൂഷൻ, പ്രശസ്ത ബാൻസാരി വാദകൻ ശശി പൂക്കാട് രചനയും സംവിധാനവും നിർവ്വഹിച്ച തമ്പ്രാൻ്റെ മൂക്ക് അടിയൻ്റെ ചക്ക നാടകം – നടനും ചലചിത്ര പ്രവർത്തകനുമായ നൗഷാദ് ഇബ്രാഹിം രചനയും സോമൻ പൂക്കാട് സംവിധാനവും നിർവ്വഹിച്ച മരുഭൂമിയിലെ ഇലകൾ എന്നീ നാടകങ്ങളും അരങ്ങിലെത്തും. സ്വാഗത സംഘം കൺവീനർ ശിവദാസൻ വാഴയിൽ സ്വാഗതവും പ്രോഗ്രാം കമ്മിറ്റി കൺവീനർ ഇ രാമചന്ദ്രൻ നന്ദിയും പറയും.
.
.
2026 ജനുവരി 27 ചൊവ്വാഴ്ച രാവിലെ മുതൽ ഉപജില്ലാ ജില്ലാ സംസ്ഥാന തലങ്ങളിൽ മത്സരിക്കാൻ അവസരം ലഭിച്ച കലാപരിപാടികൾ. വൈകീട്ട് – 5 മണിക്ക് സമാപന സമ്മേളനവും യാത്രയപ്പും ജില്ലാപഞ്ചായത്ത് വൈസ് പ്രസിഡൻ്റ് കെ കെ നവാസ് ഉദ്ഘാടനം ചെയ്യും. ജില്ലാ പഞ്ചായത്തംഗം എ കെ മണി മുഖ്യ പ്രഭാഷണം നടത്തും. എച്ച് എം കെ കെ വിജിത റിപ്പോർട്ട് അവതരിപ്പിക്കും, സ്കൂൾ മാനേജർ ടി കെ ജനാർദനൻ മാസ്റ്റർ, പി ടി എ പ്രസിഡൻ്റ് കെ കെ ഫാറൂക്ക് എന്നിവർ യാത്രയയപ്പ് നൽകുന്നവർക്കുള്ള ഉപഹാര സമർപ്പണം നടത്തും. ഗ്രാമ പഞ്ചായത്ത് മെമ്പർ നിർമ്മല സി പി, എസ് എം സി ചെയർമാൻ ഷിജു പി കെ, മാനേജീംഗ് കമ്മിറ്റി അംഗം ടി കെ ശശിധരൻ, രാഷ്ട്രീയ പാർട്ടി പ്രതിനിധികൾ സ്കൂൾ അധികൃതർ ആംശസകൾ നേരും സർവ്വീസിൽ നിന്ന് വിരമിക്കുന്ന ശ്രീജ കെ, രത്നവലി വി കെ, ശാന്ത കെ, അനീശൻ എം കെ, രാമകൃഷ്ണൻ കെ, എന്നിവർ മറുമൊഴി നടത്തും.
.
7 മണിക്ക് ശേഷം ശതനിലാവ് ആസിഫ് കാപ്പാട് നയിക്കുന്ന പാട്ടിൻ്റെ പാലാഴി ഗാനമേള അരങ്ങേറും പ്രിൻസിപ്പൽ ടി കെ ഷെറീന സ്വാഗതവും, പിടിഎ ജോ: സെക്രട്ടറി പി കെ അനിഷ് നന്ദി പറയും. സ്കുൾ പ്രിൻസിപ്പൽ ടി കെ ഷെറീന, എച്ച് എം വിജിത കെ കെ പിടിഎ പ്രസിഡൻ്റ് കെ കെ ഫറൂക്ക്, മാനേജിംഗ് കമ്മിറ്റി അംഗം ടി കെ ശശിധരൻ, സംഘാടക സമിതി ചെയർമാൻ അശോകൻ കോട്ട്, ജനറൽ കൺവീനർ വാഴയിൽ ശിവദാസൻ, മുസ്തഫ വായോളി എന്നിവർ വാർത്താ സമ്മേളനത്തിൽ പങ്കെടുത്തു
