വാടക ക്വാർട്ടേഴ്സ് കേന്ദ്രീകരിച്ച് കഞ്ചാവ് വിൽപ്പന; ഒരാൾ പിടിയിൽ

തേഞ്ഞിപ്പാലം: വാടക ക്വാർട്ടേഴ്സ് കേന്ദ്രീകരിച്ച് കഞ്ചാവ് വിൽപ്പന നടത്തുന്ന ലഹരി കടത്ത് സംഘത്തിലെ പ്രധാനി പിടിയിൽ. തേഞ്ഞിപ്പാലം ചേലേമ്പ്ര ചക്കുമാട്ടുകുന്ന് വീട്ടിൽ സിയാദ് (42) ആണ് അറസ്റ്റിലായത്. ചേലേമ്പ്ര മാട്ടിലെ വാടക ക്വാർട്ടേഴ്സിൽ നിന്നാണ് ഇയാളെ പിടികൂടിയത്. വിൽപ്പനക്കായി സൂക്ഷിച്ച 1.680 കിലോഗ്രാം കഞ്ചാവും പിടികൂടി. ഇലക്ട്രോണിക് ത്രാസുകളും കണ്ടെടുത്തു. കൊണ്ടോട്ടി, ഫറൂഖ് സ്റ്റേഷനുകളിലായി 3 ലഹരി കടത്ത് കേസുകളും വിവിധ സ്റ്റേഷനുകളിലായി മോഷണക്കേസുകളും സിയാദിനെതിരെ നിലവിലുണ്ട്.

സിയാദിനെ പൊലീസ് വിശദമായി ചോദ്യം ചെയ്തു വരികയാണ്. മലപ്പുറം ജില്ലാ പൊലീസ് മേധാവി ആർ വിശ്വനാഥിന് ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ കൊണ്ടോട്ടി ഡിവൈഎസ്പി കെ സന്തോഷ്, തേഞ്ഞിപ്പാലം ഇൻസ്പക്ടർ കെ പ്രിയൻ, ഡാൻസാഫ് എസ്ഐ പി നവീൻ ഷാജ്, എന്നിവരുടെ നേതൃത്വത്തിലുള്ള ഡാൻസാഫ് സംഘമാണ് പ്രതിയെ പിടികൂടിയത്.