ചെങ്ങോട്ട്കാവ് പഞ്ചായത്തിലെ ഒന്നാം വാർഡിൽ ‘ചില്ല’ റെസിഡൻസ് അസോസിയേഷൻ രൂപീകരിച്ചു
ചെങ്ങോട്ടുകാവ്: ചെങ്ങോട്ട്കാവ് പഞ്ചായത്ത് ഒന്നാം വാർഡിൽ ചില്ല റെസിഡൻസ് അസോസിയേഷൻ രൂപീകരിച്ചു. ചെങ്ങോട്ടുകാവ് ഗ്രാമ പഞ്ചായത്ത് പ്രസിഡണ്ട് ഷീബ മലയിൽ വൺ ടു വൺ ഓഡിറ്റോറിയത്തിൽ വെച്ച് ഉൽഘാടനം ചെയ്തു. പ്രസിഡണ്ട് ചന്ദ്രശേഖരൻ അധ്യക്ഷത വഹിച്ചു. കൊയിലാണ്ടി സി ഐ ശ്രീലാൽ ചന്ദ്രശേഖരൻ ലഹരി വിരുദ്ധ ബോധവത്കരണവും, ആശംസയും അർപ്പിച്ചു സംസാരിച്ചു.
ഓൾ കേരള ലിവർ ഫൗണ്ടേഷൻ ചെയർമാൻ രാജേഷ് കുമാർ റെസിഡൻസ് അസോസിയേഷൻന്റെ പ്രാധാന്യത്തെക്കുറിചുള്ള കാര്യങ്ങൾ വിശദമായി സംസാരിച്ചു. ചില്ലയുടെ പ്രോഗ്രാം ചെയ്ർമാൻ അബ്ദുൾ സലാം, 1-ാം വാർഡ് മെമ്പർ സുധ, സ്നേഹതീരം റെസിഡൻസിന്റ പ്രസിഡണ്ട് ബിനോയ്‌, സൗഹർദ റെസിഡൻസിന്റ പ്രസിഡണ്ട് പവിത്രൻ തുടങ്ങിയവർ ആശംസ അറിയിച്ചു.
ചടങ്ങിൽ സിനിമ, നാടക നടനും, സാമൂഹ്യ രംഗത്ത് പ്രവർത്തിക്കുകയും ചെയ്യുന്ന കെ വി അലിയെയും, ചിത്രകലാപ്രതിഭ കുമാരി ആഞ്ചിതയെയും ആദരിച്ചു. 10-ാം ക്ലാസ്സിൽ ഉന്നതവിജയംനേടിയ കുട്ടികളെ അനുമോദിച്ചു. ചടങ്ങിൽ സെക്രട്ടറി ആനന്ദൻ സ്വാഗതവും ട്രഷറർ ഫിറോസ് നന്ദിയും പറഞ്ഞുതുടർന്ന് പ്രോഗ്രാം ചെയ്ർമാൻ സലാമിന്റെ നേതൃത്വത്തിൽ മാക്സിന്റെ ഗാനമേളയും അരങ്ങേറി.
