സംസ്ഥാനത്ത് സ്വർണവിലയിൽ നേരിയ വർധന

കൊച്ചി: സംസ്ഥാനത്ത് സ്വർണവിലയിൽ നേരിയ വർധന. പവന് 80 രൂപ കൂടി 64,440 രൂപയിലാണ് വ്യാപാരം നടക്കുന്നത്. കഴിഞ്ഞ ദിവസം 64,360 രൂപയിലായിരുന്നു വ്യാപാരം നടന്നിരുന്നത്. ഈ മാസം 20ന് പവന് ചരിത്രത്തിലെ ഏറ്റവും ഉയർന്ന വില രേഖപ്പെടുത്തിയിരുന്നു. 64,560 രൂപയിലായിരുന്നു വ്യാപാരം നടന്നത്.

പിന്നീട് ഇടിഞ്ഞ സ്വർണവിലയിൽ വീണ്ടും വർധനവ് രേഖപ്പെടുത്തി. നിലവിലെ സ്ഥിതി തുടർന്നാൽ ഉടൻ തന്നെ വില 65,000 കടക്കുമെന്നാണ് വിപണി റിപ്പോർട്ടുകൾ. നിലവിൽ ഒരു പവൻ സ്വർണം ലഭിക്കാൻ പണിക്കൂലിയടക്കം 70,000 രൂപയോളം നൽകണം.